Xiaomi «SU7 Ultra-nyň» kuwwat çäklendirmelerini aýyrdy: indi ol ozalky 900-e derek 1548 at güýjüni berýär

  • 08.05.2025 13:33
  • 2.1k+

Howpsuzlyk sebäpli Xiaomi öz «SU7 Ultra» elektromobiliniň kuwwatyny başlangyç tapgyrda programma arkaly çäklendiripdi. Emma müşderileriň şikaýatlaryndan soň, kompaniýa bu karary täzeden gözden geçirip, çäklendirmeleri aýyrmaga karar berdi.

«CarNewsChina» neşiriniň habaryna görä, zawoddan çykýan «SU7 Ultra» modeli diňe 900 at güýjüni öndürýärdi, emma onuň resmi kuwwaty 1548 at güýji diýip görkezilýärdi. Doly kuwwata ýetmek üçin, ulaglaryň eýeleri Xiaomi tarapyndan tassyklanan ýörite ýaryş ýolunda synag sürüşini geçmelidiler. Bu synag olaryň sürüjilik başarnygyny barlamak üçin ulanylýardy.
Şeýle-de ulagyň ýerinden çalt ugrukmagyny üpjün edýän «launch control» ulgamy diňe 60 sekuntlyk garaşmadan soň işjeňleşýär. Bu çäklendirme şäher şertlerinde güýçden howply peýdalanylmagynyň öňüni almak üçin girizildi.
Hytaýda «SU7 Ultra» modeliniň bahasy, takmynan, 73 müň dollara deň. Ulagy satyn alan müşderiler onuň ähli tehniki mümkinçilikleri şert goýulmazdan açyk bolar diýip garaşypdyrlar. Olaryň aýtmagyna görä, satyn alnandan soň synagdan geçmek talaby olaryň göwnünden turmandyr we nägilelik döredipdir.
Netijede, Xiaomi programma üpjünçiligini täzelemek arkaly bu çäklendirmeleri aýyrdy. Indi «SU7 Ultra» eýeleri üçin doly 1548 at güýji, 350 km/sagat tizligi we ulagyň 0-dan 100 km/sagada 2 sekuntdan hem az wagtda ýetmegi mümkin boldy.
Şeýle-de bolsa, öndüriji bu güýçli häsiýetleriň diňe ýörite ýaryş ýollarynda, degişli taýýarlyk we ýörite tekerler bilen ulanylmalydygyny nygtaýar.


30.05.2025 16:50
1.5k+

Xiaomi arassa girdejisini 64% artdyryp, I çärýekde smartfon satuwlaryny ýokarlandyrdy

«Xiaomi» kompaniýasy birinji çärýek boýunça maliýe netijelerini çap etdi. Kompaniýanyň umumy girdejisi 111,3 mlrd ýuana (15,4 mlrd dollara) ýetip, geçen ýyl bilen deňeşdirilende 47% köpeldi. Arassa girdeji bolsa 64,5% ýokarlanyp, 1,48 mlrd dollara ýetdi...

29.05.2025 18:52
4.6k+

Xiaomi her bir satylan ulagdan ýitgini ýedi esseden gowrak – 900 dollara çenli azaltdy

Xiaomi 2025-nji ýylyň birinji çärýegi üçin maliýe hasabatyny hödürledi. Üç aýda SU7 modelinden 75 869 elektromobil ýola goýuldy, bu modeliň umumy üpjünçiligi bolsa 258 000 birlikden geçdi. Şeýle-de, kompaniýa önümçilik kuwwatyny giňeltmek meýilnamalary barada habar berdi...

24.05.2025 13:15
4.4k+

Xiaomi 800 km çenli ýol geçýän ilkinji krossoweri YU 7-ni hödürledi

15 ýyllygy mynasybetli geçirilen tanyşdyrylyş dabarasynda Xiaomi özüniň ilkinji elektrik krossowerini – YU 7-ni hödürledi. Awtomobiliň tigir bazasy 300 sm, göwrümi – 499,9×199,6×160,8 sm. Gapy tutarlary awtomobiliň korpusyna ýygnanýar...

14.05.2025 11:08
2.6k+

Xiaomi SU7 iň haýal arzanlaýan elektrokar boldy: ýapon brendleri bu ugurda yza galýar

Xiaomi SU7 iň haýal arzanlaýan elektromobilleriň arasynda öňdebaryjy boldy. Baha taýdan has durnukly modelleriň ilkinji onlugynda ýekeje-de Toyota ýok. Ozal ýapon brendleriniň awtomobilleri, aýratynam, Toyota bahasyny haýal ýitirýär we gaýtadan satmak üçin hem uly ýitgisiz hasap edilýärdi...