Mersedes-AMG Bred Pittiň baş keşbi janlandyrmagynda Formula 1 hakyndaky filmiň hormatyna döredilen GT 63 APXGP Edition superkarynyň çäkli sanda çykan wersiýasyny hödürledi.
Awtoulag filmdäki toslama Apex Gran Pri bolidiniň liwreýine meňzeş öwüşgin aldy.
Superkaryň kuzowy ýalpyldysyz altynsow öwüşginli tutuksy gara reňkde ýerine ýetirilen. Hromlanan elementleri ýok. Öň tarapky ganatlarynda gözenek çyzmykly pellehana baýdagy bar. Içi uglerod süýümi, nappa derisi we alkantar ulanylyp, şol bir gammada bezelen. Açyk sary kontrast ýörmelen tikin sport stilini nygtaýar.
Tehniki häsiýetnamasy standart bolmagynda galdy. Superkar 585 at güýji bolan dört litrlik V8 hereketlendirijisi bilen enjamlaşdyrylandyr. Komplektasiýa karbon aerodinamiki bukjasy, karbon-keramiki tormozlar, trekde sürmek üçin Track Pace ulgamy we päsgelçilikleri ýeňip geçmek üçin kuzowyň öň bölegini göteriş funksiýasy bar.
F1 filmi 2025-nji ýylyň 25-nji iýunynda çykar. Çäkli sanda çykan superkar mahabat kampaniýasynyň bir bölegi bolmagy ahmal. Sany 52 nusga bilen çäklendirildi. San birhili film bilen bagly ýaly, ýöne jikme-jiklikleri takyk aýdylmaýar.
