“Aang hakynda rowaýat” multserialynyň dowamy bolan “Awatar: Ýedi gaçybatalga” 2027-nji ýylda çykar. Maglumat Toy World žurnalynyň maý aýyndaky sanynda, Paramount-yň geljekki taslamalary baradaky bölümde peýda boldy.
Avatar Studios-da geljekki taslamanyň sýužeti beýan edildi: “Ýeriň ýaş jadygöýi özüniň Korradan soň täze Awatardygyny bilýär. Ýöne bu howply eýýamda bu at ony adamzadyň halasgärine däl-de, weýran edijisine öwürýär.
Hem adamlar, hem ruhlar tarapyndan yzarlanmak bilen, ol birwagtlar ýiten ekiz gyz dogany bilen özüniň gelip çykyşynyň syryny bilmeli we siwilizasiýanyň soňky daýanjy ýykylmazdan ozal, Ýedi gaçybatalgany halas etmeli”.
Taslamanyň şourannerleri bolup asyl multserialy döredijiler Maýkl Dante DiMartino we Braýan Koniesko çykyş edýär.
