Amerikaly aýdymçy Beýonse ABŞ we Ýewropa boýunça Cowboy Carter konsert syýahatyna başlady. Onuň çäklerinde ilkinji konsert Kaliforniýanyň Inglwud şäherinde geçirildi we bu ýerde ol özüniň tehnologiki taýdan çylşyrymly çykyşy bilen muşdaklary haýran galdyrdy.
Beýonseniň konserti tas üç sagat dowam etdi we kantri, rok, soul we pop görnüşli 39 aýdymdan ybarat boldy. Ýöne çykyşyň iň täsirli ýerleriniň biri aýdymçynyň gyzyl kabrioletde tomaşaçylaryň üstünden uçup geçmegi boldy.
Şeýle-de, Beýonse altyn mehaniki öküze mündi, soňra ýokardan asylan uly nala çykdy.
Konsert Azatlyk heýkeliniň fonunda “Amen” aýdymynyň ýerine ýetirilmegi bilen tamamlandy.
Beýonseniň bu konsertinden wideolar internet torunda giňden ýaýrady. 43 ýaşly aýdymçy bilen bilelikde sahna onuň iki gyzy – on üç ýaşly Blu Aýwi we ýedi ýaşly Rumi çykdy. Körpejäniň ekiz dogany Sem konsertde görünmedi. Aýdymçy, köplenç, interwýularda oglunyň şou-biznes bilen gyzyklanmaýandygyny aýdardy.
Cowboy Carter albomynyň çykmagy möhüm aýdym-saz wakasy boldy. Ol tankytçylar tarapyndan ýokary baha alyp, köp sanly baýraklara mynasyp boldy. Albom 2022-nji ýylda Renaissance albomyndan başlanan trilogiýany dowam etdirýär we kantri aýdym-sazynyň taryhyny öwrenýär.
