Samsung 13-nji maýda Galaxy S25 Edge smartfonyny yglan etmegi meýilleşdirilýär, satuwlar 23-nji maýda başlar. Bu barada metbugat habarynyň garalamasyna meňzeýän syzylma salgylanýan GSMArena neşiri habar berýär.
Täze önümiň galyňlygy 5,8 mm we agramy 163 gr bolan ultra inçe korpusy bolar. Smartfon ýokary öndürijilikli Qualcomm Snapdragon 8 Elite çipseti, titan çarçuwasy we Corning Gorilla Glass Ceramic 2 gorag çüýşesi bilen üpjün ediler.
Galaxy S25 Edge-niň esasy kamerasy 200 MP durulykda bolar. Enjam öňünden gurlan One UI 7 gabygyny alar we emeli aň esasynda işleýär. Syzylmalara görä, batareýanyň kuwwaty gaty pes - takmynan 3900 mAh bolar. Öndüriji batareýanyň günüň dowamynda işlejekdigini wada berýär.
Ondan öň Samsung smartfonyň başlangyç bahasynyň 1200 dollar boljakdygyny tötänden açdy.
Jikme-jik häsiýetnamasy we beýleki maglumatlary 13-nji maýda geçiriljek tanyşdyryş dabarasynda yglan ediler.
