Los-Anjelesde (ABŞ) Slate Auto atly startap «Truck» atly ykjam elektropikabyny hödürledi. Taslama Amazon-yň esaslandyryjysy Jeff Bezos tarapyndan bölekleýin maliýeleşdirilýär.
Model iki orunlyk kabina we çykdajylary azaltmak üçin iň az funksiýalar toplumy bilen bir konfigurasiýada bolar. Önümçiligi ABŞ-da meýilleşdirilýär, emma häzirlikçe ýer saýlanylmady.
«Truck» pikaby 201 at güýji bolan elektrohereketlendiriji bilen enjamlaşdyrylan. Satyn aljaklara iki sany akkumulýator hödürlenýär: 240 km aralyga ýöreýän 52,7 kWt/sag kuwwatly ýa-da 385 km aralyga ýöreýän 84,3 kWt/sag kuwwatly görnüşlerde. 100 km/sag tizlige 8 sekuntda ýetýär, iň ýokary tizligi – 140 km/sag.
Pikabyň esasy aýratynlygy – ony ýolsuz ýerler üçin niýetlenen bäş orunlyk off-road ulaga öwrüp bolýar. Salonynda multimedia ulgamy ýok, onuň ýerine smartfon ýa-da planşet üçin ýörite berkidiji bar.
Elektropikabyň bahasy 20 müň dollar.
