Antonio Banderas baş aşpez we teleýaýlym alyp baryjysy Entoni Burden hakdaky baýopikde oýnar

  • 27.04.2025 12:06
  • 3.4k+

Antonio Banderas meşhur amerikan aşpezi, teleýaýlymyň alyp baryjysy we syýahatçy Entoni Burden hakdaky “Toni” terjimehal filminde oýnamak üçin keşp aldy. Bu barada Variety habar berýär.

Filmdäki baş keşbi "Galdyrylanlar" teleserialyndaky keşbi bilen tanalýan Dominik Sessa ýerine ýetirer. Filmiň sýužeti gizlin saklanýar, ýöne wakanyň 1976-njy ýylda ýaýbaňlanýandygy mälim.
Banderasyň haýsy keşbi alandygy entek belli däl. Taslama ozal “BlackBerry-ni kim öldürdi” filmini surata düşüren Mett Jonson režissýorlyk eder. Edebi esasyny Lu Hu we Toni Bartels ýazar.
Surata düşürmek işi bilen “Hemme zat hemme ýerde we birbada” we “Gün deňleşmesi” ýaly filmleri bilen meşhur A24 kinostudiýasy meşgullanar. “Toni” filmi indiki aýda surata düşürilip başlanar.
Burden döwrümiziň iň täsirli aşpezlerinden biri hasaplanýar. Ol halkara medeniýetini, aşhanasyny we adam ýagdaýyny öwrenýän programmalary bilen tanalýardy. Ilkinji gezek 2000-nji ýylda neşir edilip, iň köp satylan “Tagamlar hakda: iňňän gizlin” kitaby bilen meşhurlyk gazandy. Aşpez 2018-nji ýylda 61 ýaşynyň içinde aradan çykdy.


şu gün 11:02
1.9k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

şu gün 09:20
706

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:06
1.5k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 11:39
4.6k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...