Android 16 täzelenmesini aljak Xiaomi, Redmi we POCO enjamlaryň sanawy

  • 26.04.2025 18:18
  • 4k+

Android 16 esasynda işlenip düzülen HyperOS 3 interfeýsi 2025-nji ýylyň iýul aýynda çykarylar. Ol täze aýratynlyklary, öndürijilik boýunça kämilleşdirmeleri hem-de täzeden işlenip taýýarlanan interfeýsi üpjün eder. Garaşylýan täzelenmäni aljak ähli Xiaomi, Redmi we POCO enjamlaryň doly sanawyny «Gizchina» ýetirýär.

Xiaomi kompaniýasy Android 16 esasynda taýýarlanan indiki uly täzelenme bolan HyperOS 3-i çykarmaga taýýarlanýar. Android 15 esasly HyperOS 2.1 interfeýsiniň ýaýradylýan mahaly, ulanyjylar we içerki maglumat berijiler ünslerini eýýämden 2025-nji ýylyň iýul aýynda çykmagyna garaşylýan täze operasion ulgama gönükdürdiler.
Maglumatlara görä, HyperOS 3 diňe bir ýokary derejeli modeller däl, eýsem orta we pes bahaly modeller üçin hem täze aýratynlyk toplumyny hödürlär, bu bolsa Xiaomi-niň ähli önüm hatary üçin giňişleýin programma üpjünçiligini bermek strategiýasyny tassyklaýar.
HyperOS 3 bilen bilelikde tanyşdyryljak täze aýratynlyklaryň arasynda has kämilleşdirilen köpugurlylyk, batareýanyň dowamlylygyny optimizasiýa etmek, emeli aň esasynda işleýän akylly aýratynlyklar we dolulygyna täzeden işlenip düzülen grafiki interfeýs bar.
Xiaomi heniz resmi bildiriş bermedik hem bolsa, häzirki maglumatlar haýsy modellere täzelenmäniň geljekdigi hakynda jikme-jik maglumat berýär.
Ine, HyperOS 3.0 täzelenmesini aljak enjamlaryň sanawy:

Xiaomi

  • Xiaomi 15, 14, 13 we 12 hatarlary
  • MIX Flip, MIX Flip 2
  • MIX FOLD 2, 3 we 4
  • Xiaomi Pad 6 Pro, 6S Pro, 7 we 7 Pro

Redmi

  • Redmi Note 12, 13 we 14 hatarlary (4G, Turbo, Pro görnüşleri bilen bilelikde)
  • Redmi 12, 13 we 14 (C we A modelleri)
  • Redmi K50, K60, K70 we K80 hatarlary
  • Redmi Pad SE, Pad SE 8.7, Pad Pro, Pad Pro 5G

POCO

  • POCO F5, F5 Pro, F6, F6 Pro, F7, F7 Pro, F7 Ultra
  • POCO X6 5G, X6 Pro 5G, X7, X7 Pro, X7 Pro Iron Man Edition
  • POCO M6 (4G, 5G, Pro), M7, M7 Pro 5G
  • POCO C65, C75, C75 5G

düýn 12:50
1.4k+

Xiaomi çip döretmek işine tas $7 mlrd maýa goýar we täze ulagyny hödürlär

Hytaýyň Xiaomi kompaniýasy ýakyn on ýylda ykjam gurluşlar üçin hususy mikroçipleri işläp taýýarlamaga 50 mlrd ýuan ($6,9 mlrd) maýa goýar. Bu barada kompaniýanyň esaslandyryjysy Leý Szýun Weibo sosial ulgamynda habar berdi...

09.05.2025 09:44
1.7k+

Xiaomi täze Mix 5 bilen Mix smartfon hataryny dikeldýär

Xiaomi kompaniýasy Mix smartfonlarynyň hataryna gaýdyp gelmäge taýýarlanýar. Bu barada hytaýly insaýder Digital Chat Station habar berdi. Onuň maglumatlaryna görä, kompaniýa täze Xiaomi Mix 5 modeliniň önümçiligine taýýarlanyp başlady...

08.05.2025 13:26
983

Xiaomi we Huawei ätiýaçdan Google Play-siz HyperOS 3-i işläp düzýärler

Xiaomi, BBK Group (Oppo, Vivo we OnePlus brendleriniň eýesi) we Huawei bilelikde Google Play hyzmatlary bolmazdan hem işläp biljek HyperOS 3 operasion ulgamyny işläp düzýärler. Bu ädim ABŞ-nyň täze sanksiýalarynyň mümkinçiligi bilen baglanyşykly bolup, şol sanksiýalar eýýäm Huawei kompaniýasyna güýçli täsir etdi...

04.05.2025 14:37
3.4k+

Xiaomi soňky 10 ýylda ilkinji gezek Hytaýdaky iň uly smartfon öndürijisi boldy. Apple bäşinji orna düşdi

Xiaomi kompaniýasy 2025-nji ýylyň birinji çärýegi boýunça alanyňda, soňky on ýylyň dowamynda ilkinji gezek içerki smartfon bazarynda lider boldy. «Canalys» analitikleriniň hasaplamalaryna görä, hasabat döwründe öndüriji 13,3 million smartfon satyp, bazaryň 19%-ine eýe boldy...