Kwentin Tarantinonyň “Günlerde bir gün... Golliwudda” filminiň dowamynyň jikme-jiklikleri belli boldy. Täze taslama Kliff Buta bagyşlanar. Bu gahrymanyň keşbini birinji filmde Bred Pitt ýerine ýetiripdi. Film baradaky maglumaty Deadline neşiriniň žurnalisti aýan etdi.
Täze film “The Continuing Adventures of Cliff Booth” (“Kliff Butuň başdangeçirmeleriniň dowamy”) diýlip atlandyrylar.
Baş gahryman kaskadýor Kliff - aktýor Rik Daltonyň dosty (birinji filmde Daltonyň keşbini Leonardo DiKaprio oýnady). Täze sýužetde ol Golliwudyň ýyldyzlaryň irnik meselelerini çözýän araçysy bolar. Onuň ulanýan käbir usullary kanuna o diýen laýyk hem gelip baranok.
Filmiň edebi esasyny “Günlerde bir gün... Golliwudda” filminiň asyl nusgasynyň režissýory we awtory Kwentin Tarantino ýazdy. Režissýory Dewid Finçer bolar.
Film ilkinji gezek Netflix akym platformasynda görkeziler.
