Amazon-yň hemra internetiniň geljegi sorag astynda: Starlink-iň bäsdeşi taslamasyna ýetişenok

  • 26.04.2025 13:06
  • 2.4k+

Amazon kompaniýasynyň emeli hemra arkaly internet ulgamyny döretmek ugrunda işe girizen iri taslamasy bolan Project Kuiper agyr kynçylyklar bilen ýüzbe-ýüz boldy. Içerki çeşmeleriň berýän maglumatlaryna görä, kompaniýa 2026-njy ýylyň tomsuna çenli uçurylmaly 1600 hemranyň bary-ýogy onlarçasyny öndüripdir. Bu barada «Bloomberg» agentligi habar berýär.

Eger-de bellenen senä çenli ähli hemralar orbita çykarylmasa, Amazon kompaniýasy ABŞ-nyň aragatnaşyk boýunça Federal komissiýasynyň (FCC) ygtyýarnamasyny ýitirmek howpy bilen ýüzbe-ýüz bolar. Önümçilik tehnologiýa bilen bagly kynçylyklar we käbir komponentleriň ýetmezçiligi sebäpli haýallapdyr. Häzirki wagtda günde öndürilmeli bäş hemranyň deregine, bary-ýogy bir sany hemra öndürilýär.
Mesele diňe önümçilik bilen çäklenmeýär. Ilkinji hemralaryň uçurylmagy eýýäm bir aý yza süýşürildi. Indi Amazon meýilleşdirilen maksatlara ýetmek üçin, her hepde bir ýa-da iki sany raketa uçurmaly. Emma häzirki depginden çen tutsaň, bu mümkin däl ýaly. Bu ýagdaý bolsa ygtyýarnamanyň ýitirilmek howpuny döredýär. Kemçilikleriň öwezini dolmak maksady bilen, kompaniýa gije-gündiz iş usulyna geçdi, dynç günleri ýatyryldy we FCC tarapyndan ýeňillikleriň berilmegine umyt baglanylýar.
Esasan-da, Ilon Maskyň täsirine we ABŞ-nyň täze hökümetiniň näbelli kararlaryna baglylykda, Project Kuiper-iň geljegi häzirlikçe sorag astynda galýar.


27.08.2025 15:59
12k+

Kosmosdan alnan suratlar Aziýada gijeki yşyklandyryşyň 10 ýylda näderejede üýtgändigini görkezdi

2014-nji we 2024-nji ýyllaryň dowamynda Aziýanyň çäklerinde gijeki yşyklandyryş kartalaryny deňeşdirmek arkaly soňky on ýylda sebitde emeli ýagtylandyryşyň paýlanylyşynyň näderejede üýtgändigini görmek bolýar. Şeýle kartalar adamyň işjeňligini wizual öwrenmäge kömek edýär...

06.08.2025 17:55
4.7k+

Tankytçylar “Dünýäleriň urşy” skrinlaýf-filmine 0% baha berdi

30-njy iýulda Amazon Prime akym hyzmatynda Gerbert Uellsiň “Dünýäleriň urşy” (Война миров) romany esasynda täze film çykdy. Bu “skrinlaýf” formatda düşürilen film bolup, onda ähli wakalar kompýuter we telefon ekranlarynda bolup geçýär...

05.08.2025 23:33
6k+

Ýaponiýa orbitany zibilden arassalamak boýunça halkara düzgünleri taýýarlaýar

Ýaponiýa hemralara we Halkara kosmos stansiýasyna howp salýan kosmos zibillerini aýyrmak üçin halkara düzgünleri işläp taýýarlamagy meýilleşdirýär. Bu barada ýurduň resmi şahslaryna salgylanyp, Kyodo agentligi habar berýär...

05.08.2025 21:50
3.6k+

Blue Origin kriptomilliarder Jastin Sany suborbital uçuşa iberdi

Blue Origin kompaniýasy 3-nji awgustda NS-34 missiýasynyň çäklerinde suborbital uçuşy üstünlikli amala aşyrdy. New Shepard raketasynda uçuşa kriptomilliarder Jastin San we ýene bäş gatnaşyjy iberildi. Uçuş günbatar Tehasdaky kosmodromdan boldy...