Şanhaý awtosalonynda BYD kompaniýasy Yangwang U8L premium ulagyny görkezdi. Ýolsuz ýerden ýöreýän bu model iki reňkde hödürlenýär – Obsidian Black we Sun Gold, ýöne onuň esasy aýratynlygy öň we yzky böleklerde ýerleşdirilen Oracle logotipi boldy – ol 24 karat altyndan ýasaldy.
Täze ulag uzaldylan kuzowy (5400 mm) bilen tapawutlanýar we onda alty orun bar. Awtomobil özboluşly çyralara we matrisa şekilli radiator gözenegine eýe boldy.
CarNewsChina-nyň maglumatlaryna görä, U8L göwrümi boýunça Range Rover-den we Rolls-Royce Cullinan-dan uludyr. Ol 1180 at güýjüni berýän gibrid enjamy bilen üpjün edildi. Şeýle-de, ol suwda hereket edip, duran ýerinde 360 gradus tank öwrümini ýerine ýetirip bilýär.
Hytaýda modeliň satuwy 2025-nji ýylyň ahyrynda başlar. Onuň bahasy heniz yglan edilmedi.
Şeýle-de, BYD awtosalonda Ocean seriýasyndan üç sany täze awtomobil hödürledi: Sea Gull 06 EV, Sea Gull 06 DM-i we Sea Lion 06.
Sea Gull 06 EV – sedan bolup, 2025-nji ýylyň ikinji çärýeginde satuwa çykar. Onuň uzynlygy – 4720 mm, bazasy – 2820 mm. Ol bir elektrik hereketlendirijisi bilen enjamlaşdyryldy. Baha – 120-150 müň ýuan.
Sea Gull 06 DM-i – BYD-yň ilkinji uniwersaly. Uzynlygy – 4850 mm. 1,5 litrlik benzin hereketlendirijisine we 160 kWt çenli elektrik hereketlendirijisine esaslanýan gibrid ulgam oturdyldy. Satuw 2025-nji ýylyň tomsunda başlar. Oňa daşyndan zarýad bermek mümkinçiligi hem bar.
Sea Lion 06 – uzynlygy 4810 mm bolan krossower. Ol 170-den 290 kWt çenli kuwwat bilen gibrid hem elektrik görnüşlerde elýeterlidir. Iki hereketlendirijili doly herekete getiriji hem göz öňünde tutuldy.
