2025-nji ýylyň 24-nji aprelinde Hytaý Milli kosmonawtika gününi belledi. 55 ýyl mundan ozal bu günde ilkinji hemra “Dunfan Hun-1” uçurylypdy.
Bu waka mynasybetli ýurt ilkinji gezek Aýyň arka tarapyndan “Çane-6” missiýasy tarapyndan ýygnalyp getirilen toprak nusgalaryny köpçülige hödürledi.
Günorta polýus – Eýtken basseýninde ýygnalan nusgalar Shanghai World Expo Center sergi merkezinde goýuldy. Ol ýerde 2020-nji ýylda getirilen “Çane-5” missiýasynyň materiallary hem hödürlenýär.
Aýyň arka tarapyna gonmaga taýýarlyk 2019-njy ýylda başlady. Aýda hereket etmek üçin niýetlenen “Ýuýtu-2” enjamy nätanyş ýerleri öwrenip, mantiýa jynslarynyň iki görnüşini ýüze çykardy, bu hem möhüm ylmy açyş boldy.
“Çane-6” enjamy 2024-nji ýylyň 3-nji maýynda Wençan kosmodromyndan “Çançžen-5 Y8” raketasynda uçuryldy. 2-nji iýunda ol Günorta polýus – Eýtken basseýninde gondy we iki kilogram töweregi toprak ýygnady. 4-nji iýunda enjam Ýere gaýdyp geldi we taryhda ilkinji gezek Aýyň arka tarapyndan nusgalary getirdi.
