Ispaniýaly tennisçi, “Uly tuwulga” ýaryşlarynyň 22 gezek ýeňijisi we dünýäniň öňki birinji raketkasy Rafael Nadal Laureus World Sports Awards 2025 dabarasynda “Sport ikonasy” nominasiýasy boýunça baýrak aldy.
Ol bu ada mynasyp bolan taryhda ikinji türgen boldy. Nominasiýa ýakynda döredildi, 2022-nji ýylda baýragy motosikl ýaryşlary boýunça dokuz gezek dünýä çempiony Walentino Rossi aldy.
Ozal Nadal Laureus tarapyndan iki gezek – 2011-nji we 2021-nji ýyllarda ýylyň türgeni diýlip ykrar edildi. Ýöne bu baýragy onuň kortdaky garşydaşlary Nowak Jokowiç we Rojer Federer köp aldy, olaryň her birinde bu kategoriýada bäş baýrak bar.
Baýraga dalaşgärleriň sanawy 70-den gowrak ýurtdan 1000-den gowrak sport KHBS-iniň ses bermeginde düzülýär. Ýeňiji Bütindünýä sport akademiýasy Laureus tarapyndan saýlanýar.
