“Günäliler” horrory prokatda öňdebaryjy bolup, “Minecraft kinoda” filminden öňe geçdi

  • 22.04.2025 15:14
  • 6.1k+

Raýan Kugleriň “Günäliler” (Грешники) wampir horrory demirgazyk amerikan prokatynda 45,6 mln dollar ýygnap, öňdebaryjy boldy. Maýkl B.Jordanyň gatnaşmagyndaky film garaşylmadyk ýagdaýda pasha dynç günleri kassa ýygymy boýunça birinji orny eýeläp, “Minecraft kinoda” filminden öňe geçdi. Bu barada The Hollywood Reporter habar berýär.

Film Jordan Piliň 2019-njy ýylda çykan 71,1 mln dollar netijeli “Biz” horroryndan bäri original film üçin iň gowy başlangyjy görkezdi. Halkara tomaşaçylar “Günälilere” ýene 15,4 mln dollar getirip, umumy mukdary 61 mln dollara ýetirdi. Filmiň býujeti 90 mln dollar boldy.
Ssenarini ozal “Frutweýl stansiýasyny”, “Kridi” we Maýkl B.Jordan bilen “Gara babyry” düşüren Kugleriň özi ýazdy.
Filmiň sýužeti 1930-njy ýyllarda Täze Orleanda bolup geçýär. Baş gahrymanlar – ilki harby gullukçy, soňra gangster bolan ekiz doganlar (ikisini-de Jordan oýnaýar) bar açmak üçin Missisipide dogduk şäherine gaýdyp gelýär. Ol ýerde çykyş edýän blýuz sazandalarynyň biri şeýle bir ussatlyk bilen oýnaýar welin, ol golaýdaky irlandiýaly wampiriň ünsüni özüne çekýär.
“Günäliler” CinemaScore-yň wersiýasy boýunça platformanyň 47 ýyllyk taryhynda tomaşaçylardan ýokary A bahasyny alan ilkinji horror boldy. Adatça, şeýle filmler B+-dan ýokary baha almaýar. Mundan öň A- reýtingine “Güm bol” (Прочь), “Doga” (Заклятие), “Freddi bilen bäş gije” (Пять ночей с Фредди) we “Ümsüm ýer 2” (Тихое место 2) ýetipdi.
Film prokatyň başynda 30 mln dollara garaşan analitikleriň çaklamasyndan geçdi. Muňa Warner Bros.-yň sanly kampaniýasy we kinoteatrlaryň goldawy kömek etdi.
Studiýa üçin hem bu möhüm üstünlik boldy: on ýyldan gowrak wagtyň içinde ilkinji gezek onuň iki filmi 40 mln dollardan gowrak girdeji ýygnady – “Günäliler” we “Minecraft kinoda”. 


düýn 16:00
1.5k+

Netflix-iň çykaran filmi ilkinji gezek ABŞ-da prokatyň öňdebaryjysy boldy

Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär. Adatça Netflix kinoteatr relizlerinden gaça durýar...

düýn 14:29
3.4k+

«Awatar 3-iň» täze kadry peýda boldy. Onda öňki ganhor gaýdyp gelýär

«Awatar: Ot we kül» (Avatar: Fire And Ash) filminiň premýerasy şu ýylyň iň köp garaşylýan kino wakalarynyň biridir. Jeýms Kemeronyň franşizasynyň üçünji bölüminiň 19-njy dekabrda görkezilmegine garaşylýar. Häzirlikçe döredijiler taslama barada bölekleýin maglumatlary paýlaşýarlar...

26.08.2025 14:13
1.8k+

Lego «Willi Wonka we şokolad fabrigi» filmi esasynda toplum çykarar

Lego 1971-nji ýylda çykarylan «Willi Wonka we şokolad fabrigy» filminiň esasynda täze konstruktoryň çykarylýandygyny mälim etdi diýip, HypeBeast habar berýär. Toplum 2025 sany detal bilen düzülip, şokolad şaglawugyny we derýany ýygnamaga mümkinçilik berýär...

26.08.2025 14:03
2.4k+

Warner Bros. basketbolçy Kobi Braýant hakynda film düşürer

Warner Bros. Pictures kompaniýasy basketbolçy Kobi Braýant hakynda film taýýarlamaga girişýär. Variety neşiriniň habar bermegine görä, studiýa onuň durmuşy barada ýazylan deslapky ssenarini satyn alypdy. Filmiň wakalary hakyky durmuş wakalaryna esaslanýar...