Dubaý şokoladyna bolan isleg dünýäde pissäniň ýetmezçiligine sebäp boldy

  • 21.04.2025 14:30
  • 11k+

Dubaý şokolady sosial torlarda örän uly meşhurlyk gazanansoň, pissäniň maňzynyň bahasy 450 gramy üçin, 7,65 dollardan 10,30 dollara çenli ýokarlandy. Esasan, ABŞ-da we Eýranda ösdürilip ýetişdirilýän iýmişe dünýä boýunça bazarlarda ýetmezçilik döredi diýip, «Financial Times» habar berýär.

ABŞ-da geçen ýyl bol hasylyň bolmandygy sebäpli, pissäniň maňzy, aslynda, eýýämden gytalyp başlapdy. Şeýle-de bolsa, şol az hasylyň hili örän gowy bolansoň, pisseler köplenç gabygy bilen bile satyldy. Bu bolsa şokolad önümlerinde ulanylýan arassalanan pissäniň bazarlarda has hem azalmagyna getirdi.
2024-nji ýylyň oktýabryndan 2025-nji ýylyň mart aýyna çenli eýranly eksportçylar Birleşen Arap Emirliklerine ozalky 12 aýa garanyňda, 40%-den hem köp pisse eksport etdiler. Dünýäde belli şokolad öndürijileri bolan «Läderach» we «Lindt» şweýsar brendleri hem Dubaý şokoladyny öndürmäge başladylar. Olar ozal beýle görnüşli şokolady öndürmeýärdiler, emma emirlikli şokolad öndürijisi bolan «Fix-iň» gazanan meşhurlygyndan, soň olar hem öz nusgalaryny döretdiler. Häzirki wagtda bu kompaniýalar halkara bazarynda dörän ýokary islegi kanagatlandyrmakda kynçylyk çekýärler.
Beýik Britaniýanyň birnäçe ýokary hilli şokolad brendlerini dolandyrýan «Prestat Group-yň» baş direktory Çarlz Žandro bu täze şokolada bolan islegiň ähli pudagy geň galdyrandygyny aýtdy.

«Edil duýdansyz dörän ýaly. Görýäň welin, birdenkä hemme dükanda satylýar» — diýip, ol aýtdy.

Dubaý şokolady – kadaýf bilen pissäniň garyndysyndan taýýarlanan içlik bilen doldurylan süýjüdir. Ol BAE-de öndürilýär. Ilkinji gezek 2021-nji ýylda peýda boldy we tiz wagtda syýahatçylaryň arasynda uly meşhurlyk gazandy. Dubaý şokolady baradaky ilkinji TikTok wideo 2023-nji ýylda peýda boldy we ol 120 milliondan gowrak tomaşa aldy.


28.05.2025 20:26
2.7k+

ChatGPT Plus ilkinji bolup BAE-niň ýaşaýjylary üçin mugt elýeterli bolar

Birleşen Arap Emirlikleriniň ýaşaýjylary tiz wagtdan dünýäde ilkinji bolup ChatGPT Plus-a – OpenAI-iň çat-botunyň tölegli wersiýasyna mugt elýeterli bolar. Bu OpenAI bilen BAE-niň hökümetiniň arasyndaky giň gerimli hyzmatdaşlyk taslamasynyň bir bölegidir diýip, The Economic Times neşiri ýazýar...

20.05.2025 07:46
2.6k+

OpenAI kompaniýasy BAE-däki uly maglumat merkeziniň gurluşygyna ýardam berer

«ChatGPT» çat-botunyň döredijisi bolan «OpenAI» kompaniýasy Birleşen Arap Emirliklerinde guruljak täze uly maglumat merkeziniň işlenip düzülmegine ýardam berer. Bu merkez soňlugy bilen dünýäniň iň uly maglumat merkezleriniň birine öwrüler we «OpenAI» onuň esasy ygtybarly kärendeçileriniň biri bolar diýip, «Bloomberg» agentligi habar berýär...

16.02.2025 23:50
6.6k+

Ilon Maskyň kompaniýasy Dubaýda Dubai Loop ýerasty ulag ulgamyny gurar

Dubaýda Dubai Loop ýerasty ulag ulgamy peýda bolar. Dubaýyň Ýol we ulag edarasy (RTA) Ilon Maskyň The Boring Company kompaniýasy bilen şertnama baglaşdy. Taslama şäheriň aşa hereketli ýerlerini birleşdirjek 17...

14.01.2025 12:24
11k+

Estoniýaly darbaz Dubaý diňleriniň arasyndaky 100 metrlik tanapdan ýöräp geçdi

Estoniýaly darbaz, sleklaýn boýunça üç gezek dünýä çempiony Ýaan Rooze Dubaýdaky Jumeirah Emirates Towers diňleriniň aralygyndaky 100 metrlik tanapdan ýöräp geçdi. Tanap 224 metr beýiklikde çekdirildi diýip, Emirates...