Türkmen kikboksçylary Tailandyň I Dünýä kubogynda 14 medal gazandylar

  • 21.04.2025 12:57
  • 7.6k+

Türkmenistanyň kikboksing boýunça milli ýygyndysy Bangkokda geçirilen “Tailandyň 1-nji Dünýä kubogy – 2025” (1st Thailand Kickboxing World Cup 2025) ýaryşynda 14 medal gazandy. Bu barada ýurdumyzyň Kikboksing Federasiýasynda habar berdiler.

2025-nji ýylyň 7-12-nji apreli aralygynda WAKO halkara kikboksing Federasiýasynyň howandarlygynda geçirilen bu ýaryş dünýäniň 40-a golaý döwletinden 800 töweregi türgeni bir ýere jemledi. Kikboksçylar “Full Contact”, “Low Kick”, “K-1”, “Kick Light”, “Light Contact” hem-de “Point Fighting” boýunça güýç synanyşdylar.
Ýurdumyzyň adyndan Türkmenistanyň Kikboksing boýunça milli ýygyndy toparynyň baş tälimçisi Orazmuhammet Kömekowyň ýolbaşçylygynda jemi 13 türgen çykyş etdi.

Netijede, türkmen kikboksçylary ýaryşda 7 altyn, 4 kümüş we 3 bürünç medal gazanmagy başardylar we toparlaýyn görnüşde 8-nji orny eýelediler.
Altyn medallar:

  • Nurmuhammet Joraýew (57 kg agramda, Kick-light)
  • Kirill Woýewodin (57 kg agramda, Low-kick)
  • Hangeldi Atabaýew (51 kg agramda, Low-kick)
  • Akmyrat Akmyradow (67 kg agramda, Low-kick)
  • Guwanç Mahmudow (54 kg agramda, K-1)
  • Guwanç Babaýew (51 kg agramda, K-1)
  • Muhammedaly Orazmuhammedow (37 kg agramda, Creative form)

Kümüş medallar:

  • Orazmuhammet Kömekow (91 kg agramda, K-1)
  • Raşit Geldimämmedow (63,5 kg agramda, K-1)
  • Yhlas Babaýew (60 kg agramda, Low-kick)
  • Muhammedaly Orazmuhammedow (37 kg agramda, Musical form)

Bürünç medallar:

  • Agamyrat Amangeldiýew (60 kg agramda, Full contact)
  • Geldimyrat Hojalyýew (81 kg agramda, Low-kick)
  • Muhammedaly Orazmuhammedow (37 kg agramda, Point fighting)

Federasiýada habar bermeklerine görä, häzirki wagtda kikboksing bilen Türkmenistanda 5000-den gowrak türgen meşgullanýar.


14.07.2025 19:31
16k+

Alp Arslan Begenjow erkin göreş boýunça ýaşlaryň arasynda Aziýanyň çempionatynda bürünç medal aldy

18 ýaşly türkmen pälwany Alp Arslan Begenjow 20 ýaşa çenli türgenleriň arasynda Gyrgyzystanyň Bişkek şäherinde geçirilýän erkin göreş boýunça Aziýanyň ýaşlar çempionatynda 79 kg agram derejede üçünji orny eýeledi...

14.07.2025 07:50
7.7k+

Türkmenistanyň wekilleri "Ýüpek ýoly - 2025" halkara ralli ýaryşyna gatnaşýar

Irkutsk şäherinde (RF) «Ýüpek ýoly» atly 15-nji halkara rallisi-marafony başlandy. Bu ýaryşa Türkmenistanyň adyndan T2 seriýaly wnedorožnikler synpynda çykyş edýän üç ekipaž gatnaşýar. Türkmenistanyň awtosport...

10.07.2025 18:17
12k+

FIFA milli ýygyndylaryň reýtingini täzeledi: Türkmenistan iki orun ýokary galdy

Türkmenistanyň milli futbol ýygyndysy Halkara futbol federasiýasynyň (FIFA) täzelenen reýtinginde iki orun ýokary galdy. Indi topar 1092,4 bal (+16,27) bilen 140-njy orny eýeleýär. Türkmenistanyň milli ýygyndysyna sanawdaky ornuny ýokarlandyrmaga 2027-nji ýylda geçiriljek Aziýanyň kubogynyň saýlama ýaryşynyň oýnundaky ýeňiş kömek etdi: 10-njy iýunda topar Tailandyň milli ýygyndysyny 3:1 hasabynda utdy...