Hytaýda 10G ulgamy eýýäm işe girizildi: 8K filmi bir minutda ýükläp alyp bolýar

  • 21.04.2025 12:28
  • 5.3k+

Huawei we China Unicom Sýunan sebitinde ilkinji giň zolakly 10G ulgamyny işe girizdi. Ol dünýäde şeýle derejeli ilkinji çözgüt bolan 50G PON tehnologiýasyna esaslanýar.

Täze ulgam geçiriş ukybyny adaty gigabit derejesinden 10G çenli artdyrmaga mümkinçilik berýär, gijikdirme bolsa millisekunta çenli azalýar.
Synaglaryň dowamynda 9834 Mbit/sek ýükleme tizligi, 1008 Mbit/sek iberiş tizligi hasaba alyndy, gijikdirme 3 msek boldy. Bu görkezijiler öý internetiniň häzirki standartlaryndan ep-esli ýokarydyr.
Ilkinji ulanyjylaryň biriniň aýtmagyna görä, eger ozal 4K formatly filmi ýükläp almak üçin birnäçe minut sarp edilýän bolsa, indi muňa bary-ýogy birnäçe sekunt gidýär.

“Meni öýde birbada birnäçe akylly enjamlar ulanylan ýagdaýynda-da, ulgamyň öňküsi ýaly bökdençsiz işlemegi, 8K wideony açmagyň, 4K wideo gözegçiliginiň, ýokary tizlikli internet kibersport oýunlarynyň we “akylly öý” ulgamlarynyň bolsa durnukly işlemegi has geň galdyrdy” – diýip, mydrivers portaly onuň sözlerini getirýär.

Täze ulgam 8K-wideo, bulut hyzmatlary, VR we AR, şeýle-de bulut oýunlary ýaly “agyr” programmalary kynçylyksyz ulanmaga mümkinçilik berýär.
Beýleki bir habarda bellenilişi ýaly, Pekinde käbir ulanyjylar eýýäm 10G internet ulgamyny barlap gördi. Ol ýerde ýükleme tizligi – 9340,22 Mbit/sek, iberiş tizligi – 6311,59 Mbit/sek boldy. 90 GB göwrümli 8K filmini ýüklemek indi gigabit ulgamyndaky 12 minutyň deregine, takmynan, 72 sekunt wagt alýar.


düýn 17:21
6.4k+

Hytaýyň magnitli otlusynyň nusgasy täze tizlik rekordyny goýdy

Hytaý magnit lewitasiýaly otlynyň (maglew) prototipiniň tizligini bary-ýogy ýedi sekuntda sagatda 650 kilometre ýetirdi. Bu üstünlik Hubeý prowinsiýasynda gurlan täze 1000 metrlik ýokary tizlikli synag ýolunda gazanyldy diýip, «CGTN» habar berýär...

20.06.2025 10:13
2.8k+

Hytaýda rekord täzelenme ýygylygy bolan oýun monitory döredildi

Hytaýly öndüriji HKC dünýäde ilkinji bolup 800 Gs täzelenme ýygylygy bolan oýun monitoryny hödürledi. Kompaniýa miniLED yşyklandyryşy we kwant nokat tehnologiýasy bilen FSA VA matrisasyny ulanypdyr. «ITHome» portalynyň habaryna görä, mundan ozal TN panellerde ýetilen iň ýokary täzelenme ýygylygy 750 Gs, OLED panellerde bolsa 720 Gs-dir...

20.06.2025 10:04
1.9k+

2028-nji ýyla çenli Hytaýyň robototehnika bazary iki esse ýokarlanyp biler: $108 mlrd çenli

Morgan Stanley analitikleriniň hasaplamalaryna görä, Hytaýyň robototehnika bazary 2023-nji ýyldaky 47 mlrd dollardan 2028-nji ýyla çenli 108 mlrd dollara çenli ýokarlanar. Ortaça ýyllyk ösüş 23% bolar. Geçen ýyl Hytaý dünýäniň robototehnika bazarynyň eýýäm 40%-ini eýeledi diýip, South China Morning Post habar berýär...

18.06.2025 14:32
6.9k+

Hytaý ýertitremesiniň alamatlaryny gije-gündizleýin öwrenmek üçin hemra uçurdy

Hytaý ýurduň demirgazyk-günbataryndaky Szýusýuan kosmos merkezinden CSES-2 (China Seismo-Electromagnetic Satellite-2) hemrasyny üstünlikli uçurdy. Apparat orbita Long March 2D (“Beýik ýöriş-2D”) raketasy bilen uçuryldy diýip Space News habar berýär...