Kianu Riwz Weezer rok topary baradaky komediýa mokýumentarisinde zalymyň keşbini janlandyrar. Bu barada žurnalist Jeff Snaýder Consequence of Sound neşirine habar berdi.
"Mokýumentari" adalgasy dokumental filmleri aňlatmak üçin ulanylýar. Bu dokumental filme meňzeýän, galplaşdyrmany we mistifikasiýany ulanýan çeper film žanry. Ýakynda çykjak filmiň sýužeti Weezer bilen Riwziň basçy bolup çykyş edýän Dogstar toparynyň arasyndaky hakyky durmuş dawasyna esaslanar. Iki topar hem karýerasyna 1990-njy ýyllarda başlapdy.
Film "Skott Piligrim hemmä garşy" we "Geň: El Ýankowiçiň başdan geçireni" filmleriniň stilinde surata düşüriler.
Filmde Julýet Lýuis, Erik Andre, Jonni Nokswil we Ben Şwars dagy hem çykyş edip biler. Taslama “Nerw” filmi bilen tanalýan Genri Just bilen Eriýel Şulman režissýorlyk eder. Filmiň goýberiljek senesi entek yglan edilmedi.
Ýakynda habar beriş serişdeleri Riwziň franşizanyň bäşinji bölüminde Jon Uigiň keşbine gaýdyp geljekdigini habar berdi.
