General Motors 2022-nji ýylyň aprelinden 2024-nji ýylyň dekabry aralygynda öndürilen Cadillac Lyriq elektrik ulaglarynyň yzyna çagyrylandygyny habar berdi.
Munuň sebäbi öňdäki podweskanyň stabilizatorynyň boltlarynyň gowşaklygy bilen bagly. Agram düşen ýagdaýynda olar çarçuwadan sypyp biler, bu bolsa ýokary woltly kabellere ýa-da batareýany sowadyş ulgamyna zeper ýetmek howpuny döredýär. Bu elektrik ulagy üçin çynlakaý kemçilik bolup durýar.
Mesele sürlüp barýarka takyrdy we titreme netijesinde ýüze çykýar. GM kemçiligi 2025-nji ýylyň ýanwarynda ýüze cykardy we gaýtalanmazlygy üçin eýýäm önümçilikde programma üpjünçiligini täzeledi. Hyzmat kampaniýasy 2025-nji ýylyň maý aýynyň ahyrynda başlar. Dilerler ulaglary mugt barlarlar we zerur bolsa berkitmeleri çalşarlar.
Bu yza çagyryş diňe Lyriq modellerine degişlidir. 2026-njy ýylda satuwa çykarylmagy meýilleşdirilýän ýokary öndürijilikli Lyriq-V wersiýasyna degişli däldir. Lyriq-V-iň 3,3 sekuntda 100 km/sag tizlige ýetip bilýändigini we Cadillac elektrik hatarynyň flagmanyna öwrüljekdigini bellemelidiris.
