General Motors kompaniýasy 2025-nji we 2026-njy model ýyllarynyň Chevrolet Equinox krossowerlerinde adatdan daşary titremeleriň ýüze çykmagy bilen bagly derňew işlerini başlady. Bu barada PIT6466 hyzmat býulleteninde aýdylýar.
Benzin bilen işleýän täze awtoulaglaryň eýeleri ulag duran ýerinden bat alyp ugranda ýa-da transmissiýa pes ikinji tizlikde işlände rulda, oturgyçlarda we polda äşgär "sandyramany" duýupdyrlar .
Kompaniýanyň inženerleri häzirki wagtda tehniki näsazlygyň anyk sebäbini bilmäge synanyşýar. Rahatsyzlyga garamazdan, öndüriji resmi taýdan näsazlygyň ulagyň howpsuzlygyna ýa-da çydamlylygyna täsir etmeýändigini, şonuň üçin ulagy adatdaky tertipde ulanmagy dowam etmegiň mümkindigini kepillendirýär.
Häzirki wagtda tehniki seljerme tamamlanýança dilerler şikaýatlary hasaba alyp, alamatlary tassyklamaly.
Meksikada öndürilen Equinox-iň dördünji nesli brendiň iň möhüm modelleriniň biridir. GM derňew tamamlanandan soň derrew abatlaýyş çözgüdini hödürlejekdigine söz berýär.
