Jeep brendiň logotipiniň Turiniň “Ýuwentus” futbol klubunyň eşik toplumynda ýene peýda bolmagy üçin ýylda, takmynan, 25 mln ýewro tölemäge taýýar. Bu barada Reuters agentligi habar berýär.
Çeşmäniň maglumatlaryna görä, şertnama taraplaryň arasyndaky köpýyllyk hyzmatdaşlygy gaýtadan dikelder. Ozal klub geçen ýylyň iýun aýynda Jeep bilen öňki şertnamanyň möhleti tamamlanandan soň, täze baş hemaýatkäri tapyp bilmedi.
Häzirki wagtda “Ýuwentus” kompaniýa bilen gepleşikleri geçirýär. Şertnama üstünlikli bolan ýagdaýynda oýunçylar eýýäm iýun aýynda Klublaýyn dünýä çempionatynyň oýunlaryna täze logotipli eşiklerde çykyp biler.
Jeep 2012-nji ýyldan bäri “Ýuwentusyň” baş hemaýatkäri bolupdy. Ýyllyk töleg kem-kemden ýokarlanyp, 45 mln ýewro ýetdi. Täze şertnama has pes mukdary, ýöne uzak möhletleýin hyzmatdaşlygy göz öňünde tutýar.
