2025-nji ýylyň Porsche 911 GT3 ulagy mehaniki hereket gutusy bolan köpçülikleýin awtomobiller üçin Nýurburgring ýolunda täze aýlaw rekordyny goýdy.
Ulagy Porsche-niň zawod ýaryşa gatnaşyjysy Ýorg Bergmaýster dolandyrdy. Ol “Demirgazyk halkadaky” aýlawy 6 minut 56,294 sekuntda – GT3-üň PDK awtomatik gutuly öňki wersiýasyndan tiz geçdi.
Mundan öň rekord Dodge Viper ACR ulagyna degişlidi. Ol 2017-nji ýylda gysgaldylan ýolda (20,599 km) 7 minut 1,3 sekunt netijäni görkezdi. Häzir uzynlygy 20,832 km bolan doly aýlaw ulanylýar. Hatda köne ýol boýunça-da, täze Porsche aýlawy 6 minut 51,764 sekuntda geçdi – bu ulagyň kuwwatynyň 140 a.g. pesdigine garamazdan, 10 sekunt tizdir.
Täze nesil GT3 özünden öňki modelden 3,7 sekunt tiz boldy. Şassiniň kämilleşdirilmegi GT3 RS modelini döretmekden alnan tejribelere esaslanýar. Bergmaýsteriň aýtmagyna görä, “awtomobil büdür-südürleri geçmekde has durnukly boldy”.
Rekord üçin ulag Weissach bukjasy we Michelin Pilot Sport Cup 2 R tekerleri bilen üpjün edildi.
