Lexus täze nesil ES sedanynyň tizerini hödürledi. Modeliň global premýerasy 23-nji aprelde Şanhaýdaky awtosalonda bolar.
Täze ulag “global flagman” hökmünde görkezilýär we şu ýyl Hytaýyň, Ýewropanyň we ABŞ-nyň bazaryna çykar.
Wideoda ES-iň fastbek stilinde ýapgyt üçekli süýnmek kuzowa eýe bolandygy görünýär. Şeýle-de, ulag täze radiator gözenegi, aýratyn yşyk diodly faralar, birleşdirilen yzky çyralar, kuzowda ýiti çyzyklar we dekoratiw wentilýasion elementler bilen üpjün edildi. Tigirler uly diametrli boldy.
Dizaýn 2021-nji ýyldaky konsept bilen deňeşdirilende düýpli üýtgedi. Häzirki wersiýa 2018-nji ýyldan bäri çykarylýar we 2021-nji hem 2024-nji ýyllarda täzelendi. Soňkusy hytaý bazary üçin niýetlendi.
Ulagyň güýç enjamlary barada heniz maglumat ýok. Ýöne Lexus-yň elektrikleşdirmä üns berýändigi belli. Ulagyň gibrid we elektrik wersiýalarynyň bolmagyna garaşylýar. Häzirlikçe täze platformanyň ýa-da Toyota Camry-daky ýaly kämilleşdirilen TNGA-K-nyň ulanyljakdygy belli däl (adatça, Lexus ES Camry-nyň lýuks wersiýasydyr).
