Jennifer Lopez režissýor Robert Zemekisiň “Iň soňky hanym Perriş” (Последняя миссис Пэрриш) trillerinde baş keşbi ýerine ýetirer. Film Netflix akym hyzmatynda çykar diýip, Deadline habar berýär.
Film Liw Konstantiniň 2017-nji ýylda çap edilen adybir romanyna esaslanýar. Sýužet boýunça, Lopez tarapyndan ýerine ýetiriljek hilegär Ember baý aýal Dafnanyň öýüni, adamsyny we durmuşyny eýeläp, özüni onuň ornunda görkezmäge çalyşýar. Wagtyň geçmegi bilen Ember hakyky Dafnanyň öz syrlarynyň bardygyny bilýär.
Ssenarini “Oskar” baýragyna dalaşgärler, “Köçeleriň sesi” (Голос улиц) filmi boýunça tanalýan Andrea Berloff we “Ekipažyň” (Экипаж) üstünde işlän Jon Geýtins ýazdy.
Filmiň çykjak takyk senesi heniz belli däl.
Ýylyň ahyryna çenli Lopez “Möý zenanyň posasy” (Поцелуй женщины-паука) mýuziklinde peýda bolar.
Zemekis “Forrest Gamp” (Форрест Гамп), “Kowlan” (Изгой) we “Geljege tarap yza” (Назад в будущее) ýaly nusgawy filmleriň režissýorydyr. Onuň soňky işi – Tom Henks bilen “Şol wagt. Häzir. Soň” (Тогда. Сейчас. Потом) dramasy 2024-nji ýylyň güýzünde çykdy. Film tankytçylardan oňyn däl seslenme alyp, prokatda şowsuz boldy.
