Apple kompaniýasy wintaž (könelip barýan) gurluşlaryň sanawyny täzeläp, oňa iPhone 6s smartfonyny we 2018-nji ýylyň Mac mini kompýuterini goşdy. Bu olaryň kompaniýanyň hyzmat merkezlerinde we ygtyýarly hyzmatdaşlarda diňe zerur şaýlar bolan ýagdaýynda bejerilip bilinjekdigini aňladýar.
Kompaniýanyň düzgünleri boýunça, satuw gutarandan bäş ýyldan gowrak wagt geçenden soň, gurluş wintaž bolýar diýip, MacRumors belleýär. Eger ýedi ýyldan gowrak wagt geçen bolsa, resmi bejeriş mümkin bolmaýar ýa-da şaýlaryň barlygyna bagly bolýar.
2015-nji ýylda hödürlenen iPhone 6s arzan model hökmünde 2018-nji ýyla çenli satyldy. Ol A9 prosessoryna, berk alýumin korpusyna, 3D Touch tehnologiýasyna we nauşnikleri birikdirmek üçin ýere eýe boldy.
2018-nji ýylyň Mac mini kompýuteri Apple Silicon çiplerine geçmezden ozal Intel prosessorly iň soňky model boldy. Gurluş sekizinji nesil Intel çipleri we Intel UHD Graphics 630 grafikasy bilen enjamlaşdyryldy.
Apple wintaž ýagdaýynyň gurluşlaryň bejeriş mümkinçiliklerini çäklendirýändigini, sebäbi olar üçin şaý öndürmegiň bes edilýändigini belleýär.
