Küşt boýunça häzirki dünýä çempiony, hytaýly Szýuý Wenszýun watandaşy Tan Çžunine garşy oýunda öz titulyny üstünlikli gorady. Ýaryş Şanhaýda we Çunsinde geçirildi.
Dokuzynjy döwde ak mallar bilen oýnan Szýuý Wenszýun 6,5 utuk toplap, ýeňiş gazandy, bu hem oňa çempion titulyny üpjün etdi.
Ýaryşyň baýrak gaznasy 500 müň ýewro boldy. Ýeňiji 300 müň, utulan küştçi 200 müň ýewro alar.
Szýuý Wenszýun küşt täjini 2018-nji ýyldan bäri saklaýar. Şol wagt ol çempionlyk oýnunda şol bir Tan Çžunini utup, ilkinji gezek tituly gazandy. Soňra ol 2018-nji ýylda nokaut ulgamy boýunça geçirilen ýaryşyň finalynda russiýaly Ýekaterina Lagnony utup, tituly gorady.
2020-nji ýylda Szýuý Wenszýun russiýaly Aleksandr Gorýaçkinany, 2023-nji ýylda bolsa hytaýly Leý Tinszeni utdy.
