Nissan ABŞ-da iň geçginli modeliniň önümçiligini azaldar

  • 16.04.2025 13:53
  • 5.6k+

Nissan 2025-nji ýylyň maý aýyndan iýul aýy aralygynda Kýusýudaky (Ýaponiýa) zawodynda Rogue krossoweriniň önümçiligini 13 000 birlik azaldar. Bu barada Reuters agentligi habar berýär.

Bu markanyň ABŞ-da iň köp satylýan modeli. 2025-nji ýylyň birinji çärýeginde Nissan ýurtda 62 000 Rogue awtomobilini satdy, olaryň köpüsi Ýaponiýada ýygnaldy. Kompaniýa Ştatlarda import awtomobiller üçin 25 göterim gümrük paçlarynyň girizilmegi sebäpli modeliň ýygnalmagyny wagtlaýyn togtatmak kararyna geldi.
Kýusýudaky zawod  iki çalşykda işlemegini dowam eder, ýöne käbir günler işlemez. Nissan paç ýagdaýlaryna baglylykda iýul aýyndan soň önümçilik möçberine gaýtadan seretmegi meýilleşdirýär. Şol bir wagtyň özünde, kompaniýanyň Tennesside (ABŞ) hem Rogue modelini ýygnaýan zawody bar.
ABŞ Nissan üçin esasy bazar bolmagynda galýar. 2024-nji ýylda ABŞ-da 246 müň Rogue krossoweri satyldy. Bu Nissan-yň amerikan bazaryndaky satuwynyň dörtden birinden gowragydyr.
Reuters-iň maglumatlaryna görä, logistikadaky üýtgeşmeler üpjünçiligiň gijikdirilmegine we bahalaryň üýtgemegine getirip biler. Alyjylara modelleriň elýeterliliginde bolup biljek bökdençlikleri göz öňünde tutmak maslahat berilýär.
Ozal häzirki söwda dartgynlylygy sebäpli Mitsubishi kompaniýasy ABŞ-nyň diler merkezlerine ulag ibermegini togtatdy. Şeýle çäreler barada Audi, Volkswagen, Jaguar Land Rover we Volvo hem habar berdi. 


23.10.2025 10:00
1.9k+

Nissan Teana — Huawei sanly kokpiti bilen enjamlaşdyrylan ilkinji benzinli awtoulag bolar

Nissan kompaniýasy Hytaý bazary üçin niýetlenen täzelenen Teana sedanyny tanyşdyrdy. Öndüriji täze modeliň Huawei sanly kokpiti bilen enjamlaşdyrylan ilkinji adaty benzinli awtoulag boljakdygyny aýtdy. Mundan ozal bu tehnologiýa diňe elektrik we gibrid ulaglarynda ulanylýardy...

20.10.2025 10:09
1.7k+

Ford ABŞ-da kemer bilen bagly näsazlyk sebäpli tas 625 müň ulagy yzyna gaýtarýar

Ford amerikan awtoöndürijisi ABŞ-da tas 625 müň ulagyň yzyna gaýtarylýandygyny habar berdi. Munuň sebäbi howpsuzlyk kemeriniň we yzyny görkezýän kameranyň monitorynyň işindäki näsazlyk boldy diýip, ABŞ-nyň Ýol hereketiniň howpsuzlygy boýunça milli edarasyna (NHTSA) salgylanyp, Reuters habar berýär...

13.10.2025 09:35
3.6k+

Hyundai ýangyn howpy sebäpli 135 müň sany Santa Fe ulagyny yzyna gaýtarýar

Hyundai kompaniýasy heläkçilik ýüze çykanda ýangyn döremek howpunyň bolmagy sebäpli 135 386 sany Santa Fe krossowerini — şol sanda täze modelleri hem — yzyna çagyrýandygyny mälim etdi. ABŞ-nyň Ýol hereketiniň howpsuzlygy dolandyryş Milli gullugynyň (NHTSA) habaryna görä, käbir ulaglarda starter nädogry gurnalan bolmagy mümkin...

12.10.2025 23:17
3.6k+

Nissan täze ykjam Tekton krossowerini tanyşdyrdy

Nissan kompaniýasy täze ykjam Tekton krossoweriniň ilkinji suratlaryny köpçülige görkezdi. Bu model hindi bazary üçin ýörite döredilip, 2026-njy ýylda satuwa çykarylar, soň bolsa beýleki ýurtlaryň bazarlarynda hem peýda bolar...