YouTube wideolara baglylygyň öňüni almak üçin Shorts-a täze funksiýa girizer

  • 16.04.2025 09:52
  • 1.7k+

YouTube ulanyjylara Shorts görnüşli gysga wideolary görýän wagtyna çäklendirme girizmäge mümkinçilik berýän täze aýratynlygy hödürläp biler. Bu barada «Android Authority» habar berýär.

YouTube-yň 20.15.32 beta wersiýasynyň kodlarynda ulanyjy günlük limite ýetensoň, Shorts wideolary görmegi duruzýan ýörite günlük taýmer barada maglumat ýüze çykarylypdyr.
YouTube-yň wekili bu aýratynlygyň häzirki wagtda synagda bolmasa-da, geljekde hödürlenmeginiň mümkindigini aýtdy.
Ulanyjylar beýleki ýerlerde (meselem, gözlegiň netijelerinde ýa-da täzelikler lentasynda) peýda bolýan Shorts wideolary görmäge dowam edip bilerler.
Belläp geçsek, YouTube-da adaty wideolar üçin eýýämden «Arakesme beriň» ýatlatmasy bar.
Gysga wideolary aşa köp görmek käbir adamlarda üns ýetmezçiligi we wagt dolandyryşy bilen bagly kynçylyklara sebäp bolup bilýär.
Google-a görä, Shorts görnüşli wideolar her gün 70 milliarddan gowrak gezek görülýär.


20.08.2025 08:52
2.5k+

YouTube “Oskary” ýaýlymda görkezmek hukugyny satyn almak isleýär

YouTube “Oskar” baýragynyň gowşurylyş dabarasyny ýaýlyma bermek üçin hukuk satyn almaga gyzyklanma bildirýär. Bu barada iki çeşmä salgylanyp, Bloomberg habar berýär. Neşiriň bellemegine görä, barha abraýyny ýitirýän dabaranyň iň uly wideohostingde ýerleşdirilmegi oňa bolan gyzyklanmany artdyryp bilerdi...

16.08.2025 17:45
2k+

YouTube görýän wideolaryna esaslanyp, ulanyjynyň ýaşyny kesgitlemek ulgamyny synagdan geçirýär

13-nji awgustda YouTube ABŞ-da ulanyjynyň ýaşyny barlamak boýunça täze ulgamyny synagdan geçirip başlady. Tehnologiýa görýän wideolarynyň häsiýetine baglylykda uly ýaşly we kämillik ýaşyna ýetmedik tomaşaçylary tapawutlandyrmak üçin emeli aňdan peýdalanar...

29.07.2025 11:30
1.2k+

YouTube Shorts-da indi suratlardan we tekstden wideo döretmek üçin gurallar peýda boldy

YouTube Shorts gysga dik wideolaryň döredilmegini aňsatlaşdyrmak üçin AI bilen işleýän täze gurallary hödürledi. Bu barada wideo hyzmatynyň blogunda habar berilýär. Täze girizilen gurallaryň arasynda suraty wideo öwürýän funksiýa, AI-animasiýaly wideo effektler, şeýle hem tekst görkezmelerine esaslanyp wideo, şekil we saz döretmäge mümkinçilik berýän AI Playground redaktoryny öz içine alýar...

23.07.2025 15:13
2.5k+

Indi YouTube Music-de aýdymlary dürli enjamlarda galan ýerinden diňläp bolýar

Google kompaniýasy YouTube Music-de dürli gurluşlarda aýdymlary galan ýerinden diňlemegi dowam etdirmäge mümkinçilik berýän täze funksiýany hödürledi. Bu barada Android Police habar berýär. Funksiýa programmanyň 8...