Hindistan iPhone önümçiligini umumy möçberiň 20%-ine çenli artdyryp, geçen ýylky görkezijileri täzeledi.
Bloomberg-iň maglumatlaryna görä, mart aýynda tamamlanan maliýe ýylynda Hindistanda 22 mlrd dollarlyk iPhone ýygnaldy. Bu bir ýyl ozalkydan 60% köpdür. Olardan 17,4 mlrd dollarlyk smartfon eksporta iberildi.
Ýurt Apple üçin Hytaýyň ornuny tutmaga çalyşýar. Indi dünýäde her bäşinji smartfon Hindistanda öndürilýär. Ozal ýurduň paýyna Apple smartfonlarynyň önümçiliginiň, takmynan, 15%-i düşýärdi. Şol bir wagtyň özünde iPhone-laryň 80%-i henizem Hytaýda ýygnalýar.
Ýakynda ABŞ-nyň Prezidenti Donald Tramp elektron gurluşlary goşmaça import paçlaryndan wagtlaýyn boşatdy. Bu hem Apple-iň ýüküni birneme azaltdy, ýöne kompaniýa önümçiligi Hytaýdan başga ýurtlara geçirmegi dowam etdirýär.
Hindistanyň içerki bazarynda Apple, takmynan, 8 mlrd dollar gazandy. Onuň smartfonlary ýerli bazaryň tas 8%-ini eýeleýär.
