Sony 8K telewizorlaryň önümçiligini togtatdy. Soňky model 2022-nji ýylda çykypdy

  • 14.04.2025 23:45
  • 2.4k+

Sony kompaniýasy ýokary çözgütli 8K telewizorlaryň önümçiligini wagtlaýyn togtatdy. Şeýle görnüşli iň soňky model üç ýyl mundan ozal satuwa çykarylypdy.

Sony-nyň wekili žurnalistler bilen geçirilen sorag-jogap maslahatynda 8K telewizorlaryň önümçiliginiň wagtlaýyn togtadylandygyny aýtdy.
8K formatdaky iň soňky model bolan Sony Z9K 2022-nji ýylda çykaryldy. Häzirki wagtda bu enjam önümçilikden aýryldy, satuwda diňe ammarlarda galan az-kem galyndylar bar.
Bu kararyň esasy sebäbi hökmünde alyjylaryň bu tehnologiýa uly gyzyklanma bildirmeýändigi we 8K mazmunlaryň ýetmezçiligi görkezilýär.
Sarp edijiler tehnologiýasy assosiasiýasy (CTA) hem ozal 8K telewizorlara bolan islegiň peselýändigini belläpdi. Guramanyň berýän maglumatlaryna görä, şeýle görnüşli enjamlaryň dünýä boýunça iberiliş möçberi artmaýar. 2022-nji ýylda 166 müň sany, 2023-nji ýylda 211 müň sany, 2024-nji ýylda bolsa diňe 143 müň sany telewizor satuwa çykarylypdyr.


07.08.2025 11:54
2.2k+

Sony “Älem kerebinden” Möý Pank barada aýratyn animasion film çykarar

Sony Pictures Animation studiýasy Möý Pank barada täze animasion filmiň üstünde işläp başlady. Taslama Möý adam baradaky giňeldilen multfilm äleminiň bir bölegi bolar diýip, Deadline neşiri habar berýär. Taslama üçin ssenarini aktýor Deniel Kaluýa we ssenariçi Ajon Singh ýazar...

30.06.2025 10:53
3.9k+

Xiaomi Sony-nyň kamerasy oturdylan 40 gramlyk AI Glasses akylly äýneklerini hödürledi. Bahasy 278 dollar

Xiaomi kompaniýasy Hytaýda geçirilen uly tanyşdyryş dabarasynda AI Glasses atly akylly äýneklerini hödürledi. Enjamda wizual interfeýs ýok, diňe ses arkaly dolandyrylýar. Sensor panel sag tutaryň üstünde ýerleşýär...

07.06.2025 23:24
3.2k+

Sony geljekki oýunlaryň treýlerini görkezdi: Silent Hill f, täze Bond we Marvel faýtingi

Adaty tomusky State of Play tanyşdyrylyşynda Sony kompaniýasy düýbünden täze we eýýäm anons edilen oýunlaryň 20-den gowrak treýlerini hödürledi. Olaryň arasynda Silent Hill-iň dowamy, Jeýms Bond barada täze oýun we uzak garaşylan ylmy fantastika Pragmata bar...

18.04.2025 16:35
4.8k+

Sony Denni Boýluň “28 ýyl soň” filminiň täze treýlerini hödürledi

Sony Pictures meşhur “28 gün soň” we “28 hepde soň” filmleriniň dowamy bolan “28 ýyl soň” (28 лет спустя) filminiň treýlerini çykardy. Filmiň premýerasy 20-nji iýuna meýilleşdirilýär. Sýužet boýunça gahar wirusy ýaýranyndan bäri tas 30 ýyl geçdi...