Warner Bros. kinostudiýasy Bitljus hakyndaky üçünji filmiň üstünde işleýär. Bu barada kinokompaniýanyň baş direktorlary Maýk De Luka we Pem Ebdä salgylanýan Deadline habar berýär.
De Luka trikweliň "gürrüňsiz" amala aşjakdygyny mälim edip, "geleşige çekilen goluň entek syýasynyň hem guramandygyny"- aýtdy. Režissýor Tim Bertonyň bu taslama gatnaşjagy-gatnaşmajagy barada entek belli zat aýdylmady.
Studiýanyň ýolbaşçylary beýleki meýilnamalary barada-da gürrüň berdiler. Şeýlelikde, kompaniýa “Janpena” («Телохранитель») melodramasynyň täze wersiýasyny taýýarlaýar. Taslamanyň üstünde “Teýlor Swift: The Eras Tour” («Тейлор Свифт: The Eras Tour») filminiň režissýory Sem Frenç we Klint Istwudyň “Ikinji oturdaş” («Присяжный номер два») atly filmi bilen tanalýan ssenariçi Jonatan A. Abrams işleýär.
Şeýle hem studiýa “Minecraft kinoda” («Minecraft в кино») sikwelini we edebi esasy Drýu Goddard tarapyndan ýazylýan “Matrisa” («Матрица») franşizasynyň bäşinji filmini bildiriş etdi. Mundan başga-da, Endi Sýorkisiň “Ýüzükleriň hökümdary” («Властелина колец») filminiň gahrymany Gollum hakyndaky filmiň üstünde işlenýär.
Şeýle hem, Warner Bros. “Gremlinler” («Гремлины») we “Kelesaňlar” («Балбесы») franşizalarynyň täze bölümlerini çykarmagy meýilleşdirýär.
"Gözýetimde hakykatdanam tolgundyryjy zatlar kän" – diýmek bilen, De Luka bilen Ebdi studiýanyň meýilnamalarynyň geriminiň giňdigini nygtadylar. Taslamalar taýýarlygyň dürli tapgyrlarynda, entek çykaryljak seneleri yglan edilmedi.
