Prime Video akym platformasy “Oturan peleň, gizlenen aždarha” («Крадущийся тигр, затаившийся дракон») serialynyň çykjakdygyny bildiriş etdi. Ol hytaý ýazyjysy Du Lu Wangyň birnäçe romany esasynda dörediler diýip, Deadline habar berýär.
Taslama Jeýson Nin (“Lýusifer”) we Ron Mur (“Ýat illi zenan”, “Adamzadyň hatyrasyna”) tarapyndan Sony Pictures Television bilen bilelikde işlenip taýýarlanýar. Olar borç bilen şahsy duýgularynyň arasynda janserek iki söweşijiniň başdan geçirenlerini görkezerler.
Bu waka 2000-nji ýylda režissýor Eng Li tarapyndan eýýam ekranlaşdyrylypdy. Film dört sany “Oskar” baýragyny, şol sanda “Daşary ýurt dilindäki iň gowy film” üçin baýragy alypdy. Şol filmde baş keşbi Çou Ýunfat bilen Mişel Ýeo ýerine ýetirdi. 2015-nji ýylda Donni Ýeniň baş keşbi janlandyrmagynda “Oturan peleň, gizlenen aždarha: Ykbal hanjary” atly filmiň dowamy çykdy.
Du Lu Wang 1938-1944-nji ýyllarda “Demir durnanyň pentalogiýasy” tapgyryndan bäş roman ýazypdyr. Kitaplarda Gadymy Hytaýyň gahryman söweşijileri - Ýusýanyň dört nesli hakda gürrüň berilýär.
