ALD Automotive – LeasePlan kompaniýasy 2025-nji ýyl boýunça Ýewropada awtoulaglara eýeçiligiň baha indeksini (Car Cost Index 2025) hödürledi. Gözleg 28 ýurdy öz içine alýar hem-de ulagy ilkinji dört ýyl ulanmagyň dowamynda çykýan çykdajylary göz öňünde tutýar: amortizasiýa, ätiýaçlandyryş, abatlaýyş, salgytlar, ýangyç ýa-da elektrik energiýasy.
2025-nji ýylda bir awtoulag üçin ortaça aýlyk çykdajylar Gresiýada 815 ýewrodan başlap, Şweýsariýada 1252 ýewro çenli ýetýär. Germaniýada bu görkeziji – aýda 967 ýewro.
Hasabatyň maglumatlaryna görä, elektromobiller içinden ýandyrylýan hereketlendirijili ulaglardan has amatly. Ýewropa Bileleşigine girýän ýurtlaryň köpüsinde elektrokar satyn almak indi has tygşytlaýjy. Muňa bir Germaniýa degişli däl, bu ýurtda elektromobiller diňe orta-ýokary synpda arzan, galan ähli synplarda henizem gymmat.
Gözlegde elektromobilleriň meşhurlygynyň barha artýandygyny bellenilýär: elektromobiller 2024-nji ýylda ÝB ýurtlarynda we beýleki sebitlerde täze hasaba alnan ulaglaryň 40%-ini düzdi. Awtorlar elektromobillere bolan islegiň artýandygyny belleýärler, ýöne olaryň giňden ornaşmagy üçin uzak aralyklary geçmäge ukyply elýeterli modeller hem-de döwlet tarapyndan goldaw gerek.
