Futbolçy Kriştianu Ronaldu bilen režissýor Mettýu Won bilelikde UR•Marv atly garaşsyz kinostudiýany döretdiler. «Variety» neşirine görä, olar eýýäm iki filmi maliýeleşdirip, prodýuserligini alyp barýarlar, häzir bolsa üçünji taslamanyň üstünde işleýärler.
Ilkinji film barada giňişleýin maglumatlar soň mälim ediler.
Neşiriň maglumatlaryna görä, bu studiýa «klassykalara goýulýan hormat bilen innowasion tehnologiýalary utgaşdyryp, däp bolan kino önümçiligine täzeçe garaýyş getirmegi» maksat edinýär.
Ronaldu mediadaky işjeňligini barha artdyrýar. 2023-nji ýylyň oktýabr aýynda ol Medialivre (öňki Cofina Media) atly mediakonglomeratyň esasy maýadary boldy, 2024-nji ýylyň awgustynda bolsa UR Cristiano atly YouTube taslamasyny işe girizdi.
Mettýu Won «Layer Cake» (Слоеный торт), «Kick-Ass» (Пипец), «X-Men: First Class» (Люди Икс: Первый класс) hem-de «Kingsman» ýaly söweşjeň filmleri bilen meşhurdyr. 2024-nji ýylda ol Genri Kewill we Braýs Dallas Goward bilen bilelikde «Argylle: Super Agent» (Аргайл: Супершпион) trillerini tomaşaçylara hödürledi. Won özüniň Marv kompaniýasy arkaly beýleki taslamalaryň hem prodýuserligini edýär.
