Londonda bolliwudly ýyldyzlar Şahrukh Khan bilen Kajolyň bürünç heýkeli peýda bolar. Ol meşhur “Alnyp gaçylmadyk gelin” (Непохищенная невеста / Dilwale Dulhania Le Jayenge, 1995) hindi filminiň 30 ýyllygyna bagyşlanar diýip, Variety habar berýär.
Meşhur melodramadan gahrymanlaryň heýkeli Lester-Skwerde, Odeon kinoteatrynyň golaýynda oturdylar, sýužet boýunça olaryň duşuşygy şu ýerde bolup geçýär. Heýkel soňky ýüzýyllygyň dünýä kinematografynyň meşhur personažlaryna we sahnalaryna bagyşlanan interaktiw kino-alleýanyň – Scenes in the Square taslamasynyň bir bölegi bolar.
Bu taslamanyň çäklerinde kino-alleýada eýýäm birnäçe heýkeller oturdyldy, olaryň arasynda Meri Poppins (saýawan bilen gonýar), Garri Potter (“Nimbus 2000” sübsesinde) we hatda “Tagtlaryň oýnundan” Demir tagt bar.
Soňky heýkel 2024-nji ýylda oturdyldy we ol “Güm bol” (Get Out) horroryndan Krisiň keşbinde Deniel Kaluýany şekillendirýär. Personaž tomaşaçylaryň ses bermeginde saýlandy.
Heýkeller bilen birlikde myhmanlara aktýorlaryň we režissýorlaryň teswirleri bilen audio-gezelenç hödürlenýär (mysal üçin, Hýu Bonnewill “Paddington” barada gürrüň berýär). Olary heýkellerdäki QR kodlary skanirläp, aýtdyrmak bolýar. Mundan başga-da, personažlar bilen selfi düşürmek bolýar.
“Alnyp gaçylmadyk gelin” filminiň gahrymanlary taslamada Bolliwudyň ilkinji wekilleri bolar.
2025-nji ýylyň maý aýynda Manchester Opera House-da filmiň esasynda döredilen “Come Fall In Love – The DDLJ Musical” mýuzikliniň premýerasy bolar.
