«Biziň iň soňkymyz» (The Last of Us) serialynyň dowamynyň boljakdygy resmi taýdan mälim edildi. HBO telekanaly serialy üçünji möwsüme çenli uzaltmaga karar berdi.
Bu habar ikinji möwsümiň premýerasynyň öňüsyrasynda mälim edildi – täze möwsüm HBO-da 13-nji aprelde görkezilip başlanar. Ikinji möwsüm «The Last of Us: Part II» atly wideooýna esaslanýar we jemi ýedi bölümden ybarat bolar. Bu möwsümiň wakalary birinji möwsümden bäş ýyl soň bolup geçýär.
Ikinji möwsümiň şouranneri hökmünde ýene-de Kreýg Mazin çykyş edýär. Täze möwsümde Pedro Paskal, Bella Ramzi, Izabela Mersed, Keýtlin Diwer, Ketrin O’Hara, Jeffri Raýt we beýlekiler hem çykyş edýär.
Taslamanyň şouranneri ozalky beýanatlarda «The Last of Us» oýnunyň ekranlaşdyrmasynyň, ähtimal, dört möwsüm boljakdygyny aýdypdy, ýöne soň bu sanyň üç ýa-da bäş bolup biljekdigini hem göz öňünde tutýandygyny belläp geçipdi.
