Viture we 8BitDo kompaniýalary Ultimate Mobile Gaming Controller kontrollerini işläp düzdüler. Bu enjam XR äýneklerini goldaýan ilkinji mobil kontroller boldy. Bu barada «NotebookCheck» habar berýär.
Adaty joýstiklerden üýtgeşik görnüşi bilen tapawutlanýar: ol ýarym açyk gara korpus we ýalpyldawuk mämişi joýstikler bilen bezelipdir.
Kontrolleriň esasy aýratynlygy – sag tarapyndaky USB-C porty arkaly XR äýnekleri birikdirip bolýar. Bu mümkinçilik oýunçylara uly VR enjamlar bolmazdan wirtual dünýälere girmegi üpjün edýär.
Kontrolleriň düwmelerini we joýstiklerini islege görä sazlap bolýar. Şeýle-de triggerleri dürli oýunlarda takyklygy üpjün edýär. Enjamy Bluetooth arkaly simsiz ýagdaýda-da, şeýle-de simli ýagdaýda-da ulanyp bolýar.
480 mA·sag sygymly batareýasy bilen 16 sagada çenli işleýär. Giroskop bilen hereket arkaly dolandyrmak mümkinçiligi hem bar. Wibrasiýasy oýna has hakyky täsiri berýär.
Kontroller Google Play Store, Netflix, PlayStation Remote Play, Amazon Luna, Xbox Game Pass we Nvidia GeForce Now-daky oýunlar bilen işleýär.
Ultimate Mobile Gaming Controller-iň bahasy 39 dollar. XR tehnologiýasynyň şeýle kiçi enjama ornaşdyrylmagy oýun we programma işläp düzüjiler üçin giň mümkinçilikleriň öňüni açýar.
