Samsung kompaniýasy täze Color E-Paper (EM32DX modeli) ekranyny hödürledi. Bu ekran energiýany asla sarp etmeýär diýen ýaly. Reňkli statik şekilleriň görkezilýän mahaly ekran 0,00 Wt güýç ulanýar.
Samsung-yň habar bermegine görä, Color E-Paper reňkli şekilleriň birinden beýlekisine geçeninde hem, beýleki sanly displeýlere garanyňda, has az energiýa sarp edýär. 4600 mA·sag sygymly içki batareýasy bilen, eger mazmun diňe günde bir gezek üýtgedilse, enjam bir gezeklik zarýad bilen 200 güne çenli işläp bilýär.
Ekranyň diagonaly 32 dýuým, çözgüdi bolsa 2560 x 1440 piksel. Şekilleri görkezişi kagyzyň teksturasyna meňzeýär – reňk geçişleri ýumşak we aýdyň äheňlerde. Şeýle-de ekranyň korpusynyň 50%-i gaýtadan işlenip taýýarlanan plastikden ýasalan.
Color E-Paper Wi-Fi we Bluetooth arkaly birikmegi goldaýar, zarýad bermek we maglumat geçirmek üçin USB-C porty, üstesine-de 8 GB içerki ýady bar. Enjamy dolandyrmak üçin Samsung E-Paper mobil goşundysy ulanylyp bilner, bu goşundy Android 10 hem-de iOS 15 we ondan ýokary ulgamlarda elýeterlidir.
Täze çözgüt restoranlar we dükanlar ýaly biznesler üçin energiýanyň sarp edilişi we mahabat materiallaryny çap etmek üçin çykdajylary azaltmaga mümkinçilik berýär.
