“Angry Birds kinoda 3” multfilmi 2027-nji ýylyň 29-njy ýanwarynda prokata çykar. Bu barada filmiň distribýutory Paramount Pictures studiýasyna salgylanýan Deadline habar berdi.
Taslama öň franşizanyň birinji bölüminiň üstünde işlän Jon Raýs režissýorlyk etdi. Edebi esasyny ikinji filmiň awtory Turop Wan Orman ýazdy.
Prodýuserleri - Jon Koen, Den Çuba we Karla Konnor. Ýerine ýetiriji prodýuserleri - “Sonik kinoda” filmi bilen tanalýan Orman we Toru Nakahara. Multfilmiň sazyny “Ýigrenji meniň” üstünde işlän, “Gremmi” baýragynyň eýesi Eitor Pereýra ýazar.
Bu gahrymanlara Jeýson Sudeýkis, Joş Gad, Reýçel Blum, Denni Makbraýd, Emma Maýers, Keke Palmer, Tim Robinson, Lili Jeýms we beýleki aktýorlar ses berer.
"Paramount Pictures bilen hyzmatdaşlyk edýändigimize begenýäris we ajaýyp aktýorlar düzümimize diýseň buýsanýarys. Bize diňe bir Jeýson, Joş, Reýçel we Denni dagy özleriniň ajaýyp keşplerine ses bermek üçin gaýdyp gelmek bilen çäklenmän, eýsem, olary ýyldyz wäşi zehinler topary hem gurşap alýar. Bular häzirki wagtda iň wäşi adamlar we olaryň hemmesini bilelikde görýändigimize diýseň begenýäris " - diýip, Koen gürrüň berdi .
Finlýandiýanyň Rovio kompaniýasynyň “Angry Birds” oýny esasynda dörän multfilmiň birinji bölümi 2016-njy ýylda çykypdy.
