Eplenýän smartfonlary we aralyk modelleri bilen tanalýan Motorola kompaniýasy ilkinji noutbugynyň çykýandygyny habar berdi. Täze önüm häzirlikçe diňe hindi bazary üçin yglan edildi diýip, Gizmochina portaly habar berýär.
Hytaýyň Lenovo korporasiýasyna degişli amerikan brendi enjamyň tizerini Hindistandaky iň uly onlaýn dükanlaryň biri bolan Flipkart platformasyna ýerleşdirdi.
Noutbugyň häsiýetnamasy, dizaýny we bahasy barada entek hiç zat aýdylmady. Tizerde Motorolanyň nyşany we "Noutbuklaryň täze batyrgaý dünýäsi. Basym tanyşdyrylyşy bolar" diýen ýazgy bar.
Gizmochina-nyň pikirine görä, brendiň elýeter bahaly enjamlara ýöriteleşendigini nazarda tutsaň, noutbugyň bazaryň başlangyç derejesine gönükdirilmegine garaşyp bileris.
Motorola ASUS, Acer we Dell ýaly eýýäm meşhur brendler bilen bäsleşmeli bolar.
