Futbol boýunça Türkmenistanyň çempiony "Arkadag" futbol kluby AFK-nyň Çagyryş Ligasyndaky ýarym finalyň ilkinji duşuşygynda myhmançylykda Kuweýtiň "Al-Arabi" toparyndan 2:0 hasabynda ýeňildi. Duşuşyk El-Kuweýt şäherinde geçirildi.
"Al-Arabi" toparynyň düzüminde gollary Kristofer Jon (72-nji minut) we Salman Al Awali (90+4-nji minut) geçirip, toparyna ýeňiş getirdiler.
Jogap duşuşygy 16-njy aprelde Arkadag şäherinde geçiriler.
"Arkadag" FK Hindistanyň "East Bengal" klubuny iki duşuşygyň jemi boýunça 3:1 hasaby bilen ýeňip, ýarym finala çykdy. "Al-Arabi" bolsa Omanyň "Al-Sib" toparyny 3:2 hasap bilen ýeňip, ýarym finala gatnaşmaga hukuk gazandy.
