Vast amerikan kosmos kompaniýasy 2026-njy ýylda uçurylmagy meýilleşdirilýän ilkinji orbital stansiýasy bolan Haven-1-iň doly göwrümli maketini hödürledi. Ekskursiýa Kolorado-Springdäki Bartolin Hall binasynda geçdi, bu ýerde 7 – 10-njy aprelde 40-njy kosmos simpoziumy Space Foundation geçirildi.
Ekskursiýany Vast-da işleýän NASA-nyň öňki astronawty Endrýu Fýuster alyp bardy. Gysga wideoda ol stansiýanyň esasy elementlerini: barlaghanany, ýaşaýyş modullaryny, ýatylýan ýerleri, Crew Dragon üçin lýuky we 6 m3 göwrümli ätiýaçlyk ammary bolan koridory görkezdi. Şeýle-de, ahyrynda kaýut-kompaniýa, sport we tejribeler üçin zolak hem-de 1,1 m diametrli uly tegelek penjire görkezildi. Interýeriň dizaýny minimalistik futuristik stilde ýerine ýetirilen.
Stansiýanyň doly göwrümli maketi häzir synagdan geçýär. Uçuş nusgasyny ýygnamak işlerini 2025-nji ýylyň iýulyna çenli tamamlamak meýilleşdirilýär. Uçuş SpaceX-iň Falcon 9 raketasynda 2026-njy ýylyň maýyndan ir bolmaz.
Stansiýa dört adama niýetlenýär. Ekipažyň her bir agzasynyň ýatylýan ýer bilen aýratyn kaýutasy bolar. Ekipažyň stansiýa eltilmegini we interneti SpaceX kompaniýasy üpjün eder.
Indiki Haven-2 stansiýasynyň taslamasy dokuz moduly göz öňünde tutýar. Olaryň birinjisi 2028-nji ýylda orbita iberiler, 2030-njy ýyla çenli olar dört, 2032-nji ýyla çenli dokuz bolar. Modullaryň biri 3,8 m diametrli dury gümmeze eýe bolar. Haven-2 HKS-niň ornuny tutmagy maksat edinýär.
Haven-1 stansiýasy 2024-nji ýylyň oktýabrynda anons edildi.
