Apple iOS 18.3.2-ä we iPadOS 18.3.2-ä abuna ýazmagy bes etdi. Munuň özi iPhone 18.4 täzelenmesini gurnandan soň, iPhone-nyň we iPad-iň ulanyjylarynyň aşaky wersiýalara geçip bilmejekdigini aňladýar diýip, 9to5mac habar berýär.
Bu ädim Apple-iň adaty tejribesidir. Gowşaklyk töwekgelçiligini azaltmak üçin kompaniýa operasion ulgamlarynyň köne wersiýalaryny yzygiderli petikleýär.
iOS 18.4 täzelenmesi 31-nji martda çykdy we has köp dilde Apple Intelligence goldawyny, täze emodžileri, ileri tutulýan habarnamalary we iPhone 15 Pro modelleri üçin gowulandyrylan wizual aňy goşýar. Täzelenme howpsuzlyk düzedişlerini hem öz içine alýar. Hususan-da, programmalara gizlin maglumatlara girmäge mümkinçilik berýän gowşaklyklar aradan aýryldy.
iOS 18.3.2 11-nji martda çykdy. Şondan soň, kompaniýa Safari brauzerindäki WebKit hereketlendirijisi bilen baglanyşykly CVE-2025-24201 möhüm gowşaklygy düzetdi. Onuň üsti bilen hakerleriň galp web sahypalary döretmegi mümkindi.
Analitik Jon Prosser ýakynda YouTube kanalynda Apple-iň iýun aýynda yglan ediljek iOS 19 operasion ulgamy barada düşünje berýän täze konseptleri ýerleşdirdi. Renderlerden çen tutsaň, iOS 19 tekiz gyraly ikonjyklary, has tegelek göwrümli ses we ýagtylyk sazlaýjy şekiljikleri, şeýle hem täzeden işlenen wirtual klawiaturasy bilen tapawutlanar. Interfeýs häzirki görnüşinden beýlebir tapawutlanmaz, ýöne OS-da Apple Vision Pro giňeldilen hakykat garniturasy stilinde ýerine ýetirilen köp element bolar.
