Microsoft 28-nji maýa çenli emeli aň boýunça mugt okuwlary hödürleýär. Siz hem gatnaşyp bilersiňiz!

  • 10.04.2025 14:05
  • 1.6k+

Microsoft korporasiýasy «AI Skills Fest» atly giň möçberli çäräniň başlandygyny mälim etdi. 50 gün dowam etjek çärede gatnaşyjylara emeli aň boýunça mugt okuwlar hödürlener. 2025-nji ýylyň 8-nji aprelinden 28-nji maýyna çenli aralykda göni ýaýlymda sapaklar, türgenleşikler, amatly görnüşdäki okuwlar we hakatonlar geçiriler. Gatnaşyjylar öz bilim derejesini ýokarlandyryp, Microsoft-a dünýä rekordyny goýmakda ýardam berip bilerler. Bu barada «MakeUseOf» habar berýär.

Täze başlaýanlar üçin maşyn öwrenişi (machine learning) we tebigy dili işläp taýýarlamak (natural language processing) ýaly esasy düşünjeleri öz içine alýan giriş sapaklary göz öňünde tutulýar. Has tejribeli gatnaşyjylar bolsa çuňlaşdyrylan mowzuklar bilen tanşyp, emeli aň agentlerine esaslanýan çözgütleri işläp taýýarlamak boýunça hakatonlara gatnaşyp bilerler. Okuwlar 30-dan gowrak dilde elýeterli edilýär.
Şeýle hem «AI Skills Fest» çäresiniň dowamynda, Microsoft 50 müň sany mugt sertifikatyň konkursyny geçirýär. Gatnaşmak üçin okuw wezipeleriniň birine başlap, ýüz tutma formasyny doldurmaly. Üstünlik gazanyp bilmedik gatnaşyjylar awtomatiki ýagdaýda indiki tapgyra geçirilýär, bu bolsa oýna gatnaşmagy has-da aňsatlaşdyrýar.
Festiwalyň esasy wakalarynyň biri – «24 sagadyň dowamynda emeli aň boýunça onlaýn sapaklary tamamlan gatnaşyjylaryň iň köp sany» üçin Ginnesiň rekordyny goýmak synanyşygy bolar.
Rekord synanyşygy marketing maksatly ýaly bolup görünse-de, gatnaşyjylar üçin örän peýdaly bolup biler. Emeli aň häzirki döwürde möhüm ugurlaryň biri bolup durýar. Microsoft ýaly dünýä belli tehnologiýa kompaniýasynyň hödürleýän mugt okuwlary başarnyklaryňyzy ösdürmek üçin ajaýyp mümkinçilik bolup biler. Okuwlara gatnaşmak üçin şu salgydan peýdalanyp bilersiňiz.


28.05.2025 20:26
2.7k+

ChatGPT Plus ilkinji bolup BAE-niň ýaşaýjylary üçin mugt elýeterli bolar

Birleşen Arap Emirlikleriniň ýaşaýjylary tiz wagtdan dünýäde ilkinji bolup ChatGPT Plus-a – OpenAI-iň çat-botunyň tölegli wersiýasyna mugt elýeterli bolar. Bu OpenAI bilen BAE-niň hökümetiniň arasyndaky giň gerimli hyzmatdaşlyk taslamasynyň bir bölegidir diýip, The Economic Times neşiri ýazýar...

26.05.2025 17:07
3.2k+

Microsoft takyk howa çaklamalary üçin Aurora EA modelini hödürledi

Microsoft howany çaklamak üçin niýetlenen täze Aurora EA modelini hödürledi. Modeliň iş netijeleri bilen gözleg Nature žurnalynda neşir edildi. Fiziki deňlemelere esaslanýan adaty usullardan tapawutlylykda Aurora diňe arhiw maglumatlary bilen okadyldy...

25.05.2025 23:15
2.4k+

Google aktýorsyz film döretmek üçin Flow EA guralyny hödürledi

Google teksti hakyky filmlere öwürýän täze Flow EA guralyny işe girizdi. Hyzmat aktýorlar, surata düşüriji topar, sahna bezegleri we adaty önümçilik bolmazdan kino döretmäge mümkinçilik berýär. Flow diňe ABŞ-da elýeterli...

23.05.2025 11:05
1k+

GPT-4 emeli aňy onlaýn çekişmelerde adamlaryň 64%-inden has ynandyryjy bolup çykdy

GPT-4 neýrotory onlaýn çekişmelerde, aýratyn-da, garşydaşyň şahsy maglumatlary ulanylanda adamlaryň özündenem has ynandyryjy bolup çykdy. Şweýsariýanyň Lozanna şäherindäki Federal politehniki mekdebiň mugallymy Robert Uestiň ýolbaşçylygynda, şweýsariýaly, italiýaly we amerikaly alymlar topary şeýle netijä geldiler...