Şençžen Nanşan halk kazyýeti umumy agramy 100 tonna bolan ýüzlerçe janly siam krokodilini satmak üçin onlaýn auksion gurnady. Lotuň başlangyç bahasy – 4 mln ýuan ($550 müň). Söwda Alibaba kompaniýasy tarapyndan geçirilýär diýip, South China Morning habar berýär.
Süýrenijiler ozal 2005-nji ýylda Mo Szýunrong tarapyndan döredilen Guangdong Hongyi Crocodile Industry Company-a degişlidi. Kompaniýa öz maliýe borçlaryny ýerine ýetirip bilmän, bergä girensoň, olar konfiskasiýa edildi.
Alyjylara krokodilleri köpeltmek üçin ygtyýarnama we olary saklamak üçin şertler gerek. Olar logistika üçin hem tölemeli bolar: agramyny çekmek, ýüklemek we äkitmek. Şertler bozulan ýagdaýynda kazyýet 300 müň ýuan ($41 müň) töleg tutup galar.
Hytaýda krokodiller girdeji getirýär: olar deri, et, kosmetika we wino öndürmek üçin ulanylýar. Bir siam krokodiliniň agramy 200-den 500 kg ýetýär, şonuň üçin satlykda 200-den 500-e çenli krokodil bolup biler.
Bu bildirişe dört müňden gowrak adam seretdi, ýöne gatnaşyjy heniz ýok. Öň, 2025-nji ýylyň ýanwar we fewral aýlarynda kazyýet bäş we dört mln ýuana krokodil satmaga synanyşdy, ýöne şowsuz boldy.
