2025-nji ýylyň birinji çärýeginiň jemleri boýunça General Motors ABŞ-da 693 müň awtoulag satyp, 17 göterim ösüş gazandy. Bu kompaniýanyň 2018-nji ýyldan bäri iň gowy netijesidir.
Ösüş ähli brendlerde diýen ýaly hasaba alyndy: Chevrolet, GMC, Cadillac. GM-iň elektrik ulaglarynyň satuwy 94% ýokarlandy.
Lexus-yň üstünligi netijesinde Toyota 570 müň awtoulag (+ 0,9%) bilen ikinji ýeri eýeledi.
Ford 501 müň awtoulag satdy, ýöne 1%-i ýitirdi. Kompaniýa iň meşhur pikaplary bolan F-Series-e (+ 15%) we Ranger-e (+ 678%) daýanyp saklanýar.
Kia we Mazda çärýekde rekord goýdy, Hyundai bilen Honda hem ösüşi görkezdi.
Satuwy 12% azalan (293 müň awtoulag) Stellantis-iň ýagdaý gowy däl. Tesla satuwynyň 13% azalmagy bilen (336 müň elektrik awtoulagy), hasam zyýan çekýär.
Daşary ýurtlardan getirilýän awtoulaglara we bölek şaýlara goýlan täze 25% töleg, hatda ABŞ-da ýygnalýan awtoulaglar üçinem maddy-tehniki üpjünçiligi kynlaşdyryp biler. Bazar umumy ösüşe garamazdan, 2025-nji ýylda kynçylyklar bilen ýüzbe-ýüz bolýar.
