Rus animasiýa güni mynasybetli, «Soýuzmultfilm» gahrymanlarynyň arasyndan iň görnükli gahrymany saýlamak üçin pikir soraşma guraldy. Ses berlişigiň lideri «Dur bakaly!» (Ну, погоди!) klassyky multserialyndaky Möjek boldy. Ol sesleriň 31%-ini toplady diýip, «TASS» habar berýär.
Reýtingiň ikinji we üçünji orunlaryny «Bremenli sazandalardan» (Бременские музыканты) Trubadur we Şa gyzy bilen «Prostokwaşinodan» (Простоквашино) Fýodor daýynyň ejesi eýeledi.
Şeýle hem tomaşaçylar haýsy gahrymanlary supergahryman keşbinde görmek isleýändiklerini saýladylar. «Topara» pişik Matroskin, Möjek, Karlson we totyguş Keşa girizildi.
Mundan ozal «Soýuzmultfilm» uly göwrümli supergahryman filmini döretmek üçin 6 milliard rubldan gowrak serişdäni sarp etmegi meýilleşdirýändigini habar beripdi. Bu film «Marvel we DC kinoälemlerine rus jogap» hökmünde atlandyrylýar.
