Biwol Beterbiýew bilen üçünji söweş üçin WBC-niň dünýä çempiony titulyny boşatdy

  • 08.04.2025 15:06
  • 6.2k+

Ýarym agyr agramda (79,2 kg çenli) WBA, WBO, IBF, The Ring, IBO boýunça dünýä çempiony Dmitriý Biwol Bütindünýä boks geňeşiniň (WBC) çempion titulyny boşatdy. Şeýle-de, ol WBC-niň wagtlaýyn çempiony, meksikaly Dewid Benawides bilen bolup biljek söweşden ýüz öwürdi. Bu barada belli žurnalist Den Rafael habar berdi.

Bellenilişi ýaly, Biwol Artur Beterbiýewe garşy trilogiýanyň ahyrky söweşine ünsi jemlemek üçin WBC guşagyndan ýüz öwürdi.
Soňrak bu maglumaty WBC-niň başlygy Maurisio Suleýman hem tassyklady.

“Men şu wagt Dmitriý Biwolyň aklawçysy Patrik Inglişden gury habar aldym. Onda şeýle bir bolgusyz deliller getirilýär welin, men hatda olary ara alyp maslahatlaşasym gelenok. Habarda Dmitriý Biwolyň ýarym agyr agramda WBC-niň dünýä çempiony titulyndan ýüz öwürmek kararyna gelendigi aýdylýar. Biz Biwola üstünlikleri arzuw edýäris we Dawid Benawidesiň ýarym agyr agramda WBC-niň täze dünýä çempionydygyny tassyklaýarys” – diýip, Suleýman X sosial ulgamynda ýazdy.

Ýatlap geçsek, Biwol soňky söweşini 23-nji fewralda Er-Riýadda (Saud Arabystany) geçirdi. Onuň garşydaşy Beterbiýew boldy. Boksçylar üçin bu rewanş boldy. Söweş emin agzalarynyň aglabasynyň karary bilen Dmitriý Biwolyň peýdasyna tamamlandy.
Benawides indi ikinji orta agramyň öňki çempiony Kallum Smite garşy hökmany goragy geçirse gerek – britaniýaly boksçy reýtingde indiki dalaşgär hasaplanýar.


19.11.2025 09:57
6.5k+

Aleksandr Usik WBO çempiony titulyndan ýüz öwürdi

Ukrainaly boksçy Aleksandr Usik Bütindünýä boks guramasynyň (WBO) dünýä çempiony titulyndan ýüz öwürdi. Bu barada guramanyň metbugat gullugy X sosial ulgamyndaky sahypasynda habar berdi. “WBO agyr agramda guşagyň geljegi bilen baglylykda Aleksandr Usigiň toparyndan resmi habarnama kabul etdi...

16.11.2025 21:44
7.5k+

Entoni Joşua dekabrda YouTube blogeri Jeýk Pol bilen söweşer

Agyr agramda öňki dünýä çempiony Entoni Joşua we amerikaly bloger hem boksçy Jeýk Pol 2025-nji ýylyň 19-njy dekabrynda resmi taýdan söweşer. Ilkibaşda Pol ýeňil agramda WBA-nyň çempiony Jerwonta Dewis bilen duşuşmalydy...

11.11.2025 00:55
22k+

20 ýyldan soň rewanş: Fýodor Ýemelýanenko Kro Kopa garşy ringe çykar

MMA-nyň russiýaly söweşijisi Fýodor Ýemelýanenko 2026-njy ýylda Kro Kop lakamy bilen tanalýan horwatiýaly Mirko Filipowiç bilen söweşjekdigini habar berdi. Söweş boks düzgünleri boýunça geçiriler diýip, ol “Gazeta...

19.09.2025 20:07
8k+

Naoýa Inoueniň indiki garşydaşy ýeňilmedik meksikaly söweşiji Alan Pikasso bolar

Ikinji has ýeňil agramda (55,3 kg çenli) absolýut dünýä çempiony Naoýa Inoue (31 ýeňiş, 27-si nokaut bilen) 27-nji dekabrda Er-Riýadda söweş geçirer. Bu barada The Ring neşiri habar berdi. Ýaponiýaly boksçynyň garşydaşy 25 ýaşly ýeňilmedik meksikaly söweşiji Alan Pikasso bolar (32 ýeňiş, 17-si nokaut bilen)...