6-njy aprelde Awstraliýanyň Nýukasl şäherinde awstraliýaly Tim Szýu bilen amerikaly Jozef Spenseriň arasynda söweş geçirildi.
Meşhur boksçy Kostýa Szýunyň ogly Tim garşydaşynyň bedenine we kellesine yzygiderli urgy urup, söweşi öz peýdasyna tamamlady. Dördünji raundyň gutarmagyna 45 sekunt galanda Spenseriň burçundan polotense zyňyldy.
Bu ýeňiş Tim üçin 2023-nji ýylyň oktýabryndan bäri ilkinji boldy, ol 2024-nji ýylda Sebastýan Fundoradan we Bahram Murtazaliýewden yzygider iki ýeňlişe sezewar bolupdy.
30 ýaşly Szýu birinji orta agramda WBO Inter-Continental guşagynyň eýesi boldy. Ozal boksçy birinji orta agramda Bütindünýä boks guramasynyň (WBO) çempiony we Bütindünýä boks geňeşiniň (WBC) wagtlaýyn çempiony titullaryna eýeçilik etdi. Indi awstraliýalynyň hasabynda 25 ýeňiş we 2 ýeňliş bar.
25 ýaşly Spenser ikinji ýeňlişine sezewar boldy. Onuň hasabynda 19 ýeňiş bar.
Söweşden soň Tim Szýu öňki çempion Kit Turman bilen söweşmek isleýändigini aýtdy.
