SpinLaunch bir gezekde 250 sany hemra uçuryp, SpaceX-iň rekordyny täzelemek isleýär

  • 07.04.2025 00:01
  • 2.1k+

SpinLaunch kompaniýasy Meridian Space atly täze hemra ulgamyny döretmek baradaky giň gerimli meýilnamasyny mälim etdi. Startap bir gezekde 250 sany mikrohemrany pes orbita çykarmagy meýilleşdirýär. Eger-de bu üstünlikli amala aşyrylsa, startap 2021-nji ýylda SpaceX kompaniýasynyň Transporter-1 missiýasy bilen orbita çykaran 143 hemralyk rekordyny hem geçer diýip, «Space.com» neşiri habar berýär.

SpinLaunch adaty raketalaryň deregine tapawutly usuldan peýdalanýar: olar diametri 33 metr bolan äpet sentrifuga tizlendirijisini – aýlanýan enjamy döretdiler. Bu enjam hemralary örän ýokary tizlige çenli aýlaýar, soň bolsa olary asmana «zyňýar». Hemralar stratosferadan geçensoň, uly bolmadyk raketa hereketlendirijisi olaryň orbita ýerleşmegini üpjün edýär. Bu usul ýangyjyň sarp edilişini azaldyp, uçuşlaryň bahasyny ep-esli peseldýär. Şonuň üçin bu tehnologiýa işewürlik üçin örän özüne çekiji hasaplanylýar.
Startap Meridian Space hemra ulgamynyň häzirki bar bolan internet ulgamlaryndan has ýokary geçirijiligi hödürlejekdigini wada berýär. Bu taslama Kongsberg NanoAvionics tarapyndan 12 million dollar möçberinde maliýeleşdirilýär.
Ilkinji synag uçurylyşy 2026-njy ýyla meýilleşdirilýär. Ýöne şol uçuşyň SpinLaunch tarapyndan döredilen sentrifuga arkalymy ýa-da adaty raketa bilenmi amala aşyryljakdygy entek belli däl.


28.08.2025 23:44
1.8k+

SpaceX-iň köp gezeklik Falcon 9 raketasy 30-njy uçuşyny amala aşyrdy

28-nji awgustda SpaceX kompaniýasy Falcon 9 raketasyny üstünlikli uçurdy – ol Ýere golaý orbita Starlink internet aragatnaşyk ulgamynyň täze hemralaryny çykardy. Raketanyň B1067 belgili birinji köp gezeklik basgançagy uçuşdan soň Ýere gaýdyp geldi we eýýäm 30-njy gezek Atlantika ummanyndaky ýüzýän platformada asuda gondy...

28.08.2025 12:21
4.6k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

28.08.2025 07:19
5.4k+

Iň güýçli Gün teleskopy rekord jikme-jiklik bilen koronal arkalaryny surata aldy

Astronomlar Deniel K. Inoue Gün teleskopynyň (DKIST) kömegi bilen Gündäki alawlamanyň jikme-jik suratyny aldy. Milli Gün obserwatoriýasynyň (NSO) hünärmenleri 2024-nji ýylyň 8-nji awgustynda bütindünýä wagty boýunça 20:12-de bolup geçen X1...

27.08.2025 11:42
2.4k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...